મહિનાના માત્ર ચાર-પાંચ દિવસ જ કોરા થાય છે!

વધુ રક્તસ્રાવનો એકમાત્ર ઉપાય ગર્ભાશય કઢાવી નાખવાનો નથી જ નથી...

- 

તબીબી વિજ્ઞાને જુદી જુદી બીમારી વિશે જાગૃતિ કેળવવા વર્ષના અમુક દિવસ, સપ્તાહ અને કૅન્સર જેવા રોગ માટે તો આખેઆખા મહિના ઠેરવ્યા છે. એમ તો સામાન્ય માણસોએ ભાગ્યે જ સાંભળ્યા હોય એવા જ્વલ્લે જ થતા અને તદ્દન અસામાન્ય કહી શકાય એવા રોગ (રેર ડિસીઝ) માટે સુદ્ધાં આ મહિનાનો એક દિવસ છે.

ખેર, માનવશરીર છે એટલે નાની-મોટી બીમારી તો આવ્યા જ કરવાની.  ગાયનેક ફ્રેન્ડની આ કૉલમ દ્વારા આપણે સ્ત્રીઓની એવી જ કેટલીક વ્યાધિ વિશે સવાલ-જવાબ રૂપે વાત કરીએ છીએ.

પ્રશ્નઃ મારી ઉંમર ૩૪ વર્ષની છે. છેલ્લાં ત્રણ વર્ષથી મને વધારે માસિક આવે છે. મારે બે બાળકો છે. મેં એક વાર ક્યુરેટિન પણ કરાવ્યું છે, પણ મને હજી દર મહિને ૧૦-૧૫ દિવસ રક્તસ્રાવ થાય છે. હવે ડૉક્ટરે મને ગર્ભાશય કઢાવવાનું કહ્યું છે, પણ મને બીક લાગે છે, કારણ કે મારી એક મિત્રને ગર્ભાશયનું ઑપરેશન કરાવ્યા બાદ શારીરિક સંબંધ રાખતી વખતે બહુ જ દુખે છે. શું માત્ર ૩૪ વર્ષની ઉંમરે જ ગર્ભાશય કઢાવી નાખવું? શું ઑપરેશન વિના વધુપડતા માસિકસ્રાવની સારવાર શક્ય નથી?