સમાજ સ્ત્રીને સમ્માનની નજરે ક્યારે જોશે?

વધુ એક વર્ષ પૂરું થવાને આરે છે, પણ સ્ત્રીની સ્થિતિ જેમની તેમ જ છે.

- ડો. મિતાલી સમોવા

સભ્ય સમાજમાં નગ્નતાને વિચિત્ર છોછ સાથે જોવામાં આવે છે, પરંતુ એ ફક્ત ત્યારે જ જ્યારે એ નગ્નતા જે-તે વ્યક્તિની મરજીની હોય અથવા તો એ વ્યક્તિ ખુદની નગ્નતાને માણી રહી હોય! બીજી બાજુ, કોઈ પીડિત વ્યક્તિને ખુદ સમાજ જ નગ્ન અવસ્થામાં મૂકી દે ત્યારે આ જ સમાજને કોઈ વાંધો હોતો નથી. નગ્નતાને આપણે ત્યાં કુદરતી અવસ્થા કે સહજતાથી જોવાને બદલે લોકો વસ્તુસ્થિતિ સાથે કલ્પના કરવાની બાબત સમજતાં થઈ ગયા છે. કદાચ આ જ કારણે આપણે ત્યાં નાનકડી દીકરીઓના સીધાસાદા ઉઘાડા પગ જોઈને પણ એના પર બળાત્કાર થાય છે. નગ્ન બાળકમાં પણ અહીં વિકૃતોને ભોગની વસ્તુ દેખાય છે!

કોઈ પુરુષ એની પ્રિયતમાના હોઠ જુએ છે તો એમાં એને શરીરનું કોઈ અંગ નથી દેખાતું, જેને મરોડી દેવાય કે વિકૃત કરીને ફેંકી દેવાય. આ જ વાત સ્ત્રીને પણ લાગુ પડે છે. પ્રિયતમાના હોઠ કે બીજા અંગમાં તમને એક પોતીકાપણું કે સુંદરતા દેખાતી હોય થતી હોય છે. અને ગમવાનું અનુભવ આ કે કરવાનું મન થાય. તમે તમારા પ્રિયતમાના શરીરને ઓબ્જેક્ટિફાય નથી કરતા એટલે કે એને એક ચીજ તરીકે જોતા નથી, પણ એને આદર આપો છો. વાસ્તવમાં આવું હોય નહીં તો પણ સંબંધમાં આટલી અપેક્ષા હોય છે. જો કે ક્યારેક માણસની મતિ બદલાઈ જાય છે.