કવચ પણ ન બન્યું હોત સુરક્ષાકવચ

સામસામી ધસી આવતી બે ટ્રેનોની અથડામણ નિવારવા કવચ કારગત નીવડે, પણ ઓડિશાના અકસ્માતમાં ટ્રેને ટ્રેક જ બે ફંટાવી દીધો હતો એટલે કવચ સિસ્ટમ હોત તોય નકામી ઠરત.

- 

એક જ ટ્રૅક પર કોઈ ચૂકથી સામસામે ધસમસતી આવતી બે ટ્રેનોની અથડામણ નિવારવા માટે ભારતે ફેબ્રુઆરી, ૨૦૨૨માં સ્વદેશી કવચ સિસ્ટમનો સફળ પ્રયોગ કર્યો, જે યુરોપિયન સિસ્ટમ કરતાં એક સ્તર ચડિયાતી છે. આ સિસ્ટમ રિસર્ચ ડિઝાઈન ઍન્ડ સ્ટાન્ડર્ડ ઑર્ગેનાઈઝેશને ઘણા ખાનગી ઉદ્યોગો સાથે મળીને વિકસાવી છે. કવચના નિર્માણ માટે ફક્ત ૧૬.૮૮ કરોડ રૂપિયાનો ખર્ચ થયો હતો.

સમજો કે લાલ સિગ્નલને અવગણીને એક જ પાટા પર સામસામે બે ટ્રેન ધસી આવતી હોય તો કવચ સિસ્ટમ ઍક્ટિવેટ થાય છે અને એ લોકો પાઈલટ (એન્જિન ડ્રાઈવર)ને એના સ્ક્રીન પર ભયસૂચક સંકેત આપે છે. ટેક્નિકલ ભાષામાં આને સિગ્નલ પાસિંગ ઍટ ડંગર (એસપીએડી) કહે છે. ચેતવણી ઓળખીને ડ્રાઈવર બ્રેક મારે એ દરમિયાન માર્ગમાં ફાટક આવતા હોય તો વ્હીસલ એની મેળે વાગવા માંડે છે, જેથી ટ્રાફિક અટકાવી શકાય.