નિર્ણાયક નેતૃત્વ સંગે સુશાસન.. સાથ-સહકાર-સેવાના ૧૦૦ દિવસનો સોનેરી અવસર

ગુજરાતના સફળ સુકાની ભૂપેન્દ્ર પટેલનો નવો વિકાસમંત્રઃ વચન પાળ્યાં, વચન પાળીશું.. ગુજરાતનું માન વધારીશું.

- 

અમે આપેલાં વચનો મક્કમતાથી પાળીને જન જન સુધી વિકાસ પહોંચાડ્યો છે. વચન પાળ્યાં છે, વચન પાળીશું. ગુજરાતનું માન વધારીશું.. આ પ્રભાવક ઉદ્ગાર છે ગુજરાત મુખ્ય મંત્રી ભૂપેન્દ્ર પટેલના.

વિધાનસભા ચૂંટણીમાં ઐતિહાસિક વિજય મેળવ્યા પછી બીજી મુદત માટે મુખ્ય મંત્રી બનેલા ભૂપેન્દ્ર પટેલના શાસનના ૧૦૦ દિવસ હમણાં પૂર્ણ થયા. ગુજરાત માટે આ અનેરો અવસર હોઈ સાથ-સહકાર અને સેવાના ૧૦૦ દિવસ અવસરરૂપે ઉજવણી થઈ.

આ પ્રસંગે મુખ્ય મંત્રી ભૂપેન્દ્ર પટેલે જણાવ્યું: ‘ગુજરાતમાં નાનામાં નાના માનવીને પણ ‘આ ગુજરાત મેં બનાવ્યું છે’ની અનૂભુતિ સાથે વિકાસની મુખ્ય ધારામાં લાવ્યા છીએ અને તેને પણ વિકાસનો સંવાહક-સાથીદાર અને સહભાગી બનાવ્યો છે. સાથોસાથ અમે ટીમ ગુજરાતે પ્રજાને વચનો આપ્યાં હતાં તે મક્કમતાથી પાળી બતાવ્યાં છે અને એ થકી જન જન સુધી વિકાસ પહોંચાડ્યો છે.’

આમ તો કોઈ પણ સરકારનાં શાસનકાર્યોના મૂલ્યાંકન માટે એકસો દિવસનો સમય અલ્પ ગણાય. જો કે ગુજરાત સરકારે આરોગ્ય, આદિવાસી વિકાસ, શિક્ષણ, કૃષિ, ગ્રામ વિકાસ, શહેરી વિકાસ, ઉદ્યોગ, ઊર્જા, પ્રવાસન, અન્ન નાગરિક પુરવઠા, પરિવહન, વન અને પર્યાવરણ, કાનૂન, યુવા, મહિલા, વગેરે વિભાગોમાં વિકાસની અનેકવિધ યોજનાઓ અમલમાં મૂકી અને એ સાકાર કરવા માટે અવિરત પ્રયાસો આદર્યા.

એના સંનિષ્ઠ સુકાની એવા શાંત, સરળ અને સૌમ્ય સ્વભાવના ભૂપેન્દ્ર પટેલના નિર્ણાયક નેતૃત્વ અને મક્કમ નિર્ધારથી ગુજરાતવાસીઓ સુપેરે પરિચિત છે.

વ્યાજખોરોથી ત્રસ્ત લોકોને પોલીસ દ્વારા ત્વરિત કાનૂની સહયોગ તો દેવભૂમિ દ્વારકામાં ગેરકાયદે બાંધકામોનો નાશ.

ગુજરાતવાસીઓએ વિધાનસભા ચૂંટણી ૨૦૨૨માં ભૂપેન્દ્ર પટેલના નેતૃત્વની ટીમ પર ભરપૂર વિશ્વાસ મૂકી એને પ્રચંડ બહુમતીથી વિજયી બનાવીને ગુજરાતનું બીજી વખત સુકાન સોંપ્યું.

એ જ રીતે મુખ્ય મંત્રી ભૂપેન્દ્ર પટેલ અને ટીમ ગુજરાતે રાજ્યના સર્વાંગી વિકાસની નેમ દાખવી છે. એ સુશાસનના એકસો દિવસ વીત્યા છે. એના યાદગાર અવસર નિમિત્તે સાથ-સહકાર અને સેવાના એકસો દિવસ દસ્તાવેજી પુસ્તકનું મુખ્ય મંત્રી ભૂપેન્દ્ર પટેલે વિમોચન કર્યું.