પુસ્તકોનો પાક લણે છે આ ખેડૂત!

ઉકાભાઈ વઘાસિયાઃ પુસ્તકપ્રેમથી મળી નવી ઓળખ.

- 

ગીર સોમનાથ જિલ્લાના ગીરગઢડા તાલુકાના આંબવડ ગામે રહેતા ૭૫ વર્ષના ઉકાભાઈ વઘાસિયા એમના પુસ્તકપ્રેમને કારણે સાહિત્યજગતમાં ખૂબ જાણીતા છે. વાંચવાના ગાંડા શોખને કારણે એમણે પોતાના ઘરને જ પુસ્તકાલયમાં પરિવર્તિત કરી દીધું છે. ઘરના ખૂણે ખૂણે અને માળિયામાં.. અરે, ખાટલાની નીચે પણ પુસ્તકોનો વાસ છે. અત્યાર સુધી એમણે અનેક વિષયનાં સાત હજાર જેટલાં પુસ્તકો વાંચી લીધાં છે.