വേണം ബലവത്തായ 4 തൂണുകൾ

വിദേശത്തു ചെന്നിട്ട് വർഷങ്ങൾ പലതു കഴിഞ്ഞിട്ടും ഇതുവരെ ശരിയായ നിക്ഷേപം തുടങ്ങാത്തവരുണ്ടാകും. അവർ എത്രയും പെട്ടെന്നു തുടങ്ങുക.

- 

സുഖവും സമ്പത്തും സമാധാനവുമുള്ള ഒരു ജീവിതം കെട്ടിപ്പടുക്കാനല്ലേ നിങ്ങൾ ആഗ്രഹിക്കുന്നത്. എങ്കിൽ അതിനു ബലവത്തായ നാലു തൂണുകൾ ഉറപ്പാക്കേണ്ടതുണ്ട്.

1. ആദ്യം വേണ്ടത് ഇവ മൂന്നും

ജോലിസംബന്ധമായി വിദേശത്തു പോകുന്നവർ ഓരോരുത്തരും ഉടൻ ചെയ്യേണ്ട 3 കാര്യങ്ങളുണ്ട്.

ഹെൽത്ത് കവറേജ് ഉറപ്പാക്കുക- ജോലി ചെയ്യുന്ന സ്ഥാപനത്തിൽ കവറേജുള്ളതിനാൽ പലരും വേണ്ടെന്നുവയ്ക്കും. ഏതെങ്കിലും കാരണവശാൽ ജോലി നഷ്ടപ്പെട്ടാൽ കാര്യങ്ങൾ കൈവിട്ടു പോകും. അതിനാൽ നാട്ടിൽ സ്വന്തമായി ഹെൽത്ത് കവറേജ് എടുക്കണം, കുടുംബത്തിനടക്കം; കഴിയുമെങ്കിൽ മാതാപിതാക്കൾക്കും.

ടേം പ്ലാൻ- അപ്രതീക്ഷിതമായി എന്തെങ്കിലും സംഭവിച്ചാൽ നിങ്ങളുടെ അഭാവത്തിലും കുടുംബത്തിനു ജീവിക്കാനുള്ള പണം ഉറപ്പാക്കാൻ ഇതുപകരിക്കും. നിലവിലെ വാർഷിക വരുമാനത്തിന്റെ പത്തിരട്ടിയെ ങ്കിലും കവറേജ് എടുത്തിരിക്കണമെന്ന് ഓർക്കുക, പരമ്പരാഗത പ്ലാനുകൾക്കു വലിയ പ്രീമിയം വരും. മാത്രമല്ല, ആവശ്യമായ കവറേജ് നൽകുകയുമില്ല.

എമർജൻസി ഫണ്ട് ജോലി നഷ്ടപ്പെടുകയോ ചെയ്യാനാകാത്ത അവസ്ഥ വരുകയോ ചെയ്താലും കുറഞ്ഞത് 6 മാസമെങ്കിലും പിടിച്ചുനിൽക്കാനുള്ള തുക കയ്യിൽ ഉറപ്പാക്കണം. ഏതു സമയത്തും പിൻവലിക്കാവുന്നവിധം അതു സൂക്ഷിക്കുകയും വേണം.

2. കൃത്യമായ പ്ലാനിങ്ങോടെയുള്ള നിക്ഷേപം