ബിറ്റ്കോയിൻമുതൽ ടെതെർവരെ പ്രധാനപ്പെട്ട 5 ക്രിപ്റ്റോകൾ

ലോകത്ത് ആയിരത്തിലധികം ക്രിപ്റ്റോകറൻസികൾ നിലവിലുണ്ട്.

- 

ബ്ലോക്ക് ചെയിൻ സാങ്കേതികവിദ്യ ഉപയോഗിച്ചു നിർമിച്ച ഡിജിറ്റൽ കറൻസികളാണ് ക്രിപ്റ്റോകറൻസികൾ. ഒരു രാജ്യത്തെ കറൻസിയിലേതെന്ന പോലെ നിശ്ചിതമായ നിയമങ്ങളാൽ ബന്ധിതമാണ് ഓരോ ക്രിപ്റ്റോ കറൻസിയും. ഒരു ക്രിപ്റ്റോ നിർമിക്കുമ്പോൾ തന്നെ അവ എങ്ങനെ ഉപയോഗിക്കണമെന്ന് ഒരു കംപ്യൂട്ടർ കോഡ് വഴി നിശ്ചയിച്ചിരിക്കും. ഓരോ ക്രിപ്റ്റോയുടെയും ഉദ്ദേശ്യവും വിതരണവും അവയെ ബന്ധിക്കുന്ന നിയമങ്ങളും വ്യത്യസ്തമായിരിക്കും.

ഇടപാടുകൾക്കുള്ള ഡിജിറ്റൽ കറൻസി എന്ന തിനപ്പുറം ഇവ ഒരു നിക്ഷേപമാർഗമായും ഉപയോഗിക്കുന്നു. ലോകത്ത് ആയിരത്തിലധികം ക്രിപ്റ്റോകറൻസികൾ നിലവിലുണ്ട്. അവയിൽ ഏറ്റവും ജനശ്രദ്ധ നേടിയതും വിപണിമൂല്യത്തിൽ മുന്നിട്ടുനിൽക്കുന്നതുമായ അഞ്ചു കറൻസികളെ പരിചയപ്പെടാം:

ബിറ്റ്കോയിൻ (Bitcoin - BTC)

2009ൽ സതോഷി നാകാമോട്ടോ എന്ന അജ്ഞാതൻ അവതരിപ്പിച്ച ബിറ്റ്കോയിനാണ് ലോകത്തെ ആദ്യ ക്രിപ്റ്റോ. ഒരു കേന്ദ്ര നിയന്ത്രണ അതോറിറ്റിയില്ലാതെ എങ്ങനെ ഒരു കറൻസിക്കു നില നിൽക്കാം എന്നതിന്റെ ഉദാഹരണമാണ് ബിറ്റ്കോയിൻ. പണമിടപാടു നടത്താൻ മാത്രമല്ല സ്വർണം പോലെ പണത്തിന്റെ മൂല്യം നിലനിർത്താൻ ശേഷിയുള്ള നിക്ഷേപമാർഗം എന്നനിലയിൽ "ഡിജിറ്റൽ ഗോൾഡ്' എന്ന വിളിപ്പേര് ഇതു നേടുകയും ചെയ്തു.

പണപ്പെരുപ്പം കാരണം യുഎസ് ഡോളറടക്കം, സർക്കാരുകൾ നിയന്ത്രിക്കുന്ന കറൻസികളുടെ മൂല്യം ഓരോ വർഷവും ഇടിയുമ്പോഴാണ് ബിറ്റ്കോയിൻ ഏറ്റവും നേട്ടം കൈവരിച്ച നിക്ഷേപമായി മാറുന്നത്. ബിറ്റ്കോയിന്റെ വില വലിയതോതിൽ കൂടാൻ കാരണം അതിന്റെ പരിമിതമായ ലഭ്യതയാണ്. പരമാവ ധി ലഭ്യമാകുന്ന ബിറ്റ്കോയിന്റെ എണ്ണം 21 മില്യൻ അഥവാ 2.1 കോടിയായി നിയന്ത്രിച്ചിട്ടുണ്ട്.