ചികിത്സാച്ചെലവുകൾ കുറയ്ക്കാൻ ഇതാ ചില വഴികൾ

ആരോഗ്യകരമായ ജീവിതശൈലി, മെഡിക്കൽ ചെക്കപ്പുകൾ, പ്രതിരോധ നടപടികൾ, ശരിയായ ഇൻഷുറൻസ് സ്കീം എന്നിവവഴി ചികിത്സയുടെ സാമ്പത്തികഭാരം ഗണ്യമായി കുറയ്ക്കാം.

- 

ആരോഗ്യത്തിനും ക്ഷേമത്തിനുമായുള്ള സാധ്യതകളെല്ലാം എല്ലാവർക്കും പൂർണ്ണമായും പ്രയോജനപ്പെടുത്താൻ സാധിക്കുമ്പോഴാണ് രാജ്യത്ത് ആരോഗ്യസമത്വം യാഥാർഥ്യമാകുക. ആളുകൾ ജനിക്കുന്നതും വളരുന്നതും ജോലി ചെയ്യുന്നതുമായ സാഹചര്യങ്ങൾ ആരോഗ്യവും ആരോഗ്യസമത്വവും ഉറപ്പാക്കുന്നതിൽ ഏറെ നിർണായകമാണ്. ഒപ്പം ജീവശാസ്ത്രപരമായ ഘടകങ്ങളുമുണ്ട്.

ആരോഗ്യത്തിനുള്ള അവകാശം ഓരോരുത്തരും തിരിച്ചറിയണം. ജീവിതസാഹചര്യങ്ങളിലെ വ്യത്യാസംമൂലം ആരോഗ്യത്തിലുണ്ടാകുന്ന പ്രശ്നങ്ങളെ തിരിച്ചറിയുകയും ഇല്ലാതാക്കുകയും വേണം. ഇന്ത്യയിലെ ദശലക്ഷക്കണക്കിനു വ്യക്തികൾ വിവിധതരം സാംക്രമികരോഗങ്ങളോടും പ്രമേഹം, രക്തസമ്മർദം തുടങ്ങിയ സാംക്രമികേതര രോഗങ്ങളോടും കാൻസർ അടക്കമുള്ള മാരക രോഗങ്ങളോടും പൊരുതുകയാണ്. 77 ദശലക്ഷത്തിലധികം പേർ പ്രമേഹരോഗികളാണ്.

ഇന്ത്യൻ ആരോഗ്യരംഗം വമ്പിച്ച പുരോഗതി കൈവരിച്ചെങ്കിലും ഗുണനിലവാരമുള്ള വൈദ്യസഹായം ലഭിക്കുന്നതിന് സാധാരണക്കാർ ഇപ്പോഴും വലിയ ബുദ്ധിമുട്ട് നേരിടുന്നുണ്ട്. ചികിത്സാച്ചെലവ് വൻതോതിൽ വർധിക്കുന്നതും ഭീതിപ്പെടുത്തുന്നതാണ്. ഇന്ത്യക്കാർ നേരിടുന്ന വലിയ വെല്ലുവിളിയാണ് ചികിത്സയ്ക്കായി പോക്കറ്റിൽനിന്ന് എടുക്കേണ്ടിവരുന്ന ഭീമമായ lelai (Out of the Pocket Expenditure OoPE). രോഗികളുടെ കുടുംബത്തിനുമേലാണ് ഈ സാമ്പത്തികഭാരം അടിച്ചേൽപിക്കപ്പെടുന്നത്. മിക്കവർക്കും ചികിത്സയ്ക്കു പണം കണ്ടെത്താൻ കടംവാങ്ങുകയോ ആസ്തികൾ വിൽക്കുകയോ ചെയ്യേണ്ടിവരുന്ന സ്ഥിതിയാണ്.