ബാങ്കിൽനിന്നു ഹെൽത്ത് പോളിസി വാങ്ങുന്നവർ ശ്രദ്ധിക്കണം ഇക്കാര്യങ്ങൾ

ബാങ്കുകളിൽ വിവിധ സേവനങ്ങൾക്കൊപ്പം ഇൻഷുറൻസ് കൂട്ടിക്കെട്ടി നൽകുന്നതിനാൽ പോളിസി കിട്ടാൻ കടമ്പകൾ കുറവാണ്.

- സി എസ് രഞ്ജിത്ത്

മെഡിക്കൽ പോളിസികൾ പ്രധാനമായും മൂന്നു രീതിയിൽ വാങ്ങാം. യുണൈറ്റഡ് ഇന്ത്യ പോലുള്ള പൊതുമേഖലാ കമ്പനികൾ, എച്ച്ഡിഎഫ്സി ഇർഗോ, ഐസിഐസിഐ ലൊംബാർഡ് തുടങ്ങിയ സ്വകാര്യ ജനറൽ ഇൻഷുറൻസ് കമ്പനികൾ എന്നിവകളിൽ നിന്നു നേരിട്ടു വാങ്ങുന്നതാണ് പൊതുവേയുള്ള രീതി. അതേസമയം, മൂന്നിലൊന്ന് പോളിസികളും ബാങ്കുകൾ വഴി ബാങ്ക് അഷുറൻസ് എന്ന ചാനലിലൂ ടെയാണ് വിൽക്കപ്പെടുന്നത്. കോർപറേറ്റ് ഇൻഷു റൻസ് ഏജന്റുമാരായി പ്രവർത്തിക്കുന്ന ഇൻഷുറൻസ് ആഗിഗേറ്റർമാരുടെ പോർട്ടലുകളിൽ നിന്നു വ്യത്യസ്ത കമ്പനികളുടെ പോളിസികൾ താരതമ്യം ചെയ്തു വാങ്ങാം. ബാങ്ക് അഷുറൻസിലൂടെ മെഡിക്കൽ പോളിസികൾ വാങ്ങുന്നതിന്റെ ഗുണങ്ങളും ദോഷങ്ങളും മുൻകൂട്ടി മനസ്സിലാക്കണം.

ബാങ്ക് അഷുറൻസ് എന്നാൽ

ബാങ്കുകൾ ശാഖകളെയും സാമ്പത്തിക സേവനരംഗത്തു പരിചയസമ്പത്തുള്ള ജീവനക്കാരെയും ഉപയോഗിച്ചു പോളിസികൾ വിപണനം ചെയ്യാൻ ഒരുക്കിയിരിക്കുന്ന സംവിധാനമാണ് ബാങ്ക് അഷുറൻസ്. ഇതുവഴി ബാങ്കിങ്, ഇൻഷുറൻസ് സേവനങ്ങൾ ഒരേ കുടക്കീഴിൽ ലഭ്യമാക്കുന്നു. ചില ബാങ്കുകൾ ഒന്നിലധികം കമ്പനികളുടെ പോളിസികൾ വിപണനം ചെയ്യുന്നു. മറ്റു ചിലവ പ്രത്യേക കമ്പനിയുമായി കൂട്ടു വ്യാപാരം ചെയ്യുന്നതിന് അസോഷ്യേറ്റ് കമ്പനികൾ തന്നെ സജ്ജമാക്കിയിട്ടുണ്ട്.

സ്വന്തം ഇടപാടുകാർ