ഇത്രയും മഴ...എന്നിട്ടും വരൾച്ച?!

പ്രളയം വരെ മഴപെയ്തിട്ടും അടുത്ത വേനലിൽ വരൾച്ചയുണ്ടാകുന്നത് എന്തുകൊണ്ട്? ഈ പ്രശ്നത്തിന് പ്രതിവിധിയില്ലേ?

- ഡോ. വി. സുഭാഷ്ചന്ദ്രബോസ് ജലവിഭവ വകുപ്പ് മുൻ ഡയറക്ടർ

ലോകത്തിൽ ഏറ്റവുമധികം മഴ ലഭിക്കുന്ന പ്രദേശങ്ങളിലൊന്നാണ് കേരളം. എന്നിട്ടും എന്തുകൊണ്ട് ഇവിടെ ഇത്രയധികം ജല ക്ഷാമം? ഇതിന് കാരണമുണ്ട്, പരിഹാരവും.

മേൽമണ്ണ് സ്പോഞ്ച് പോലെയാണ്, വെള്ളത്തെ പിടിച്ചു നിർത്താനാകും. കേരളത്തിലെ മണ്ണിന് ശരാശരി മൂന്ന് മീറ്റർ ആഴം വരെ മാത്രമേ വെള്ളത്തെ പിടിച്ചു നിർത്താനാവൂ. ആ പരിധി കഴിഞ്ഞാൽ എത്ര വലിയ മഴ വന്നാലും ഭൂമിയുടെ മുകളിലൂടെ വെള്ളം ഒലിച്ചുപോകാം. അല്ലെങ്കിൽ ഭൂമിയിൽ ഇറങ്ങിയാൽ മണ്ണിനുള്ളിലൂടെത്തന്നെ തൊട്ടടുത്ത തോട്ടിലേക്കോ പുഴയിലേക്കോ ഒഴുകിപ്പോകാം. അതുമല്ലെങ്കിൽ കെട്ടിക്കിടന്ന് പ്രളയമുണ്ടാക്കും.

വീതി കുറഞ്ഞ് ശരാശരി 100 കിലോമീറ്റർ നീളമുള്ള നദികളാണ് കേരളത്തിലേത്. പശ്ചിമഘട്ട മലനിരകളിൽ നിന്ന് ചരിഞ്ഞു കിടക്കുന്ന ഭൂമിയാണ്. ഇക്കാരണത്താൽ മഴ പെയ്ത് 42-72 മണിക്കൂറിനുള്ളിൽ 90 ശതമാനം വെള്ളവും കടലിലെത്തും.

ഇത് പോകാതെ സംരക്ഷിച്ചിരുന്നത് കാടുകളും കാവുകളും മലകളും നദിയിലെ മണലുമൊക്കെയായിരുന്നു. ഒരു ഹെക്ടർ കാട് 32,000 ഘനകിലോമീറ്റർ പ്രദേശത്തെ മഴയെ ഉൾക്കൊള്ളും. പത്ത് സെന്റ് വയൽ 1,60,000 ലീറ്റർ വെള്ളം ഉൾക്കൊള്ളും. കുളങ്ങൾ, കാവുകൾ, കാട്, തണ്ണീർത്തടങ്ങൾ എന്നിവയുടെ വ്യാപകമായ തരംമാറ്റത്തിലൂടെ സ്വാഭാവികമായ ജലസംരക്ഷണം പ്രവർത്തനങ്ങൾ മഴക്കാലത്ത് നടക്കുന്നില്ല.

അതുകൊണ്ട് കൃത്രിമമായ ഭൂജല, മണ്ണുജല സംരക്ഷണം വർത്തനങ്ങൾ നടത്തേണ്ടതുണ്ട്. ഓരോ പറമ്പുകളിലും നടക്കുന്ന ഇത്തരം പ്രവർത്തനങ്ങളിലൂടെ മാത്രമേ വെള്ളം ഭൂമിയിലേക്ക് ഇറക്കി ജലക്ഷാമം തടയാനാകൂ.

ഓരോ പറമ്പിലും ചെയ്യാം