ചെലവ് കുറച്ചു വീടുവയ്ക്കാം

സിമന്റിയും മണലിനും കമ്പിക്കുമെല്ലാം അനുദിനം വിലവർദ്ധിച്ചു വരികയാണ്.മണൽകി ട്ടാനില്ല  പാറപ്പൊടിയുടെ അവസ്ഥയും മറ്റൊന്നല്ല.വീടെന്ന സ്വപ്നം യാഥാർത്ഥ്യമാക്കാൻ ചെലവ്  കുറഞ്ഞ മാർഗങ്ങൾ എന്തൊക്കെയെന്ന് നോക്കാം.

- 

സാധാരണ ഉപയോഗിക്കുന്ന വീടുനിർമാണ രീതികൾക്കും ഉൽപന്നങ്ങൾക്കും പകരമായി ബദൽ രീതികൾ ഉപയോഗിച്ചും ചെലവു കുറയ്ക്കാം.ഫെറോസിമന്റ് രീതിയിൽ സിമെന്റും കമ്പിയും മിനിമെറ്റലും ഉപയോഗിച്ച് നിർമിക്കുന്ന പ്രീ കാസ്റ്റ് പലകകൾ കമ്പിയും കോൺക്രീറ്റ് മിശ്രിതവും ഉപയോഗിച്ചു നിർമിക്കുന്ന റീ ഇൻഫോഴ്സ്ഡ് കോൺക്രീറ്റ് പോലെ ബലമുള്ളതും അത് തന്നെ ഭാരമില്ലാത്തതും കൈകാര്യം ചെയ്യാൻ എളുപ്പവുമാണ്. ഫെറോസിമെന്റ് പാളികൾ നിർമിക്കുന്നതിന് തട്ടടിക്കൽ ക്യൂറിങ് തുടങ്ങിയ വിഷമകരമായ കാര്യങ്ങൾ ആവശ്യമില്ല എന്നതാണ് ഇതിന്റെ മേന്മ. ഗുണനിലവാരത്തിൽ കുറവു വരുന്നുമില്ല.

2. തേക്ക്, ഈട്ടി തുടങ്ങിയ തടികൾക്കു പകരം ചെറുതേക്ക്, ആഞ്ഞിലി, പ്ലാവ്, തെങ്ങ് തുടങ്ങിയ ഉപയോഗിക്കാം. അ പതു ശതമാനത്തിൽ അധികം ഇതിലൂടെ ലാഭിക്കാം. പ്ലാവ്, ആഞ്ഞിലി പോലുള്ള തടികൾ പരമാവധി നഷ്ടം കുറച്ച് അറുത്തെടുക്കണം. ഫ്രെയിമുകൾക്ക് ഭാരം കൂടിയ തടികൾ എടുക്കാം. ഷട്ടറുകൾ ഉണ്ടാക്കാൻ മഹാ ഗണിയോ തേക്കോ പ്ലാവോ പോലുള്ള ഭാരം കുറഞ്ഞ തടികളാണു നല്ലത്.

3. കൃത്യ സമയത്തു ജോലികൾ തീർക്കുന്നു എന്ന് ഉറപ്പു വരുത്തുക, പ്രത്യേകിച്ച് ഫിനിഷിങ് ഘട്ടത്തിൽ. ഏറ്റവും ചെലവ് വരുന്ന ഘട്ടമാണിത്. ചെറിയ കാര്യങ്ങളിൽ പോലും ശ്രദ്ധ പുലർത്തിയാൽ പാഴ്ച്ചെലവുകൾ ഒഴിവാക്കാം.