കളയല്ലേ കറിവേപ്പില

 കറികൾക്ക് രുചിയും സുഗന്ധവും നൽകുന്ന കറിവേപ്പില ആഹാരാവശ്യത്തിനെന്ന പോലെ ഔഷധാവശ്യത്തിനും ഉപയോഗിക്കുന്നു

- ഡോ.കെ.എസ്.രജിതൻ

ആറ്  മീറ്ററോളം ഉയരത്തിൽ വളരുന്ന കുറ്റിച്ചെടിയാണ് കറിവേപ്പ്. ചിലപ്പോൾ കറിവേപ്പ് ചെറു വൃക്ഷമാകുകയും ചെയ്യും. കറികൾക്ക് രുചിയും സുഗന്ധവും നൽകുന്ന കറിവേപ്പില ആഹാരാവശ്യത്തിനും ഔഷധാവശ്യത്തിനും ഉപയോഗിക്കാം. ആഹാരത്തിലുണ്ടാകുന്ന വിഷാംശം ഇല്ലാതാക്കാ നും കറിവേപ്പിലയ്ക്ക് കഴിവുണ്ടെന്ന് ഗവേഷകർ അഭിപ്രായപ്പെടുന്നു. റൂട്ടേസിയെ സസ്യകുടുംബ ത്തിൽപ്പെടുന്ന കറിവേപ്പിലയുടെ ശാസ്ത്രനാമം മുറ കൊനീജിയ' എന്നാണ്.

കറിവേപ്പിലകൊണ്ടുള്ള ആഹാരങ്ങൾ ഇവയാണ്.

കറിവേപ്പില ചമ്മന്തി

ചേരുവകൾ: കറിവേപ്പില- 25 തണ്ടിന്റെ ഇലകൾ, ഇടത്തരം വലുപ്പമുള്ള ഒരു നാളികേരം ചിരകിയത്, കുരുകളഞ്ഞ കോൽപ്പുളി ഒരുനെല്ലിക്കാ വലുപ്പം. ഉണക്കമുളക് ചതച്ചത് മൂന്ന് ടീസ്പൂൺ, ഉപ്പ് ആവശ്യത്തിന്.

തയ്യാറാക്കുന്ന വിധം: കറിവേപ്പില ചട്ടിയിലിട്ട് മൊരിയിച്ച് എടുത്തുവയ്ക്കുക. നാളികേരം ചിരകിയതും ചതച്ച മുളകും മറ്റൊരുപാത്രത്തിൽ ചുവക്കുന്നതു വരെ വറുത്തെടുത്ത് മൊരിയിച്ചെടുത്ത കറിവേപ്പില, പുളി, ആവശ്യത്തിന് ഉപ്പ് എന്നിവ ചേർത്ത് അരച്ചെടുക്കുക. കറിവേപ്പില ചമ്മന്തി തയ്യാറായി. ഇത് കഞ്ഞിക്ക് ഒപ്പമോ മറ്റ് ഭക്ഷണങ്ങൾക്ക് ഒപ്പമോ കഴിക്കാം.

കറിവേപ്പിലക്കട്ടി

ചേരുവകൾ: ഒരുപിടി കറിവേപ്പില, ഒരുകപ്പ് ചെറു നാരങ്ങ ഇല,10 ഉണക്കമുളക്,15 ഗ്രാം അയമോദകം, രണ്ട് ടീസ്പൂൺ ഉപ്പ്, കോൽപ്പുളി കുരുകളഞ്ഞത് ഒരു ചെറുനാരങ്ങാവലുപ്പം.