വെളുക്കാൻ തേയ്ക്കുന്നത്...

രൂക്ഷമായ രാസവസ്തുക്കളിൽ നിന്നും അൾട്രാ വയലറ്റ് രശ്മിക ളിൽ നിന്നുമുള്ള സംരക്ഷണം മാത്രമാണ് മിക്കവാറും ലേപനങ്ങൾക്ക് നൽകാൻ കഴിയുന്നത്. സൗന്ദര്യ വർദ്ധക വസ്തുക്കളിൽ അടങ്ങി യിരിക്കുന്ന രാസവസ്തുക്കൾ അലർജി ഉണ്ടാക്കാനിടയുണ്ട്

- ഡോ. ശ്രീരേഖ പണിക്കർ കൺസൾട്ടന്റ് ഡെർമറ്റോളജിസ്റ്റ് എസ്.യു.ടി. ആശുപത്രി പട്ടം, തിരുവനന്തപുരം 

സാധാരണ ഗതിയിൽ രോഗങ്ങൾ എളുപ്പം ബാധിക്കാത്ത ത്വക്കാണ് ആരോഗ്യമുള്ള ചർമ്മം. രൂക്ഷമായ രാസവസ്തുക്കളിൽ നിന്നും അൾട്രാ വയലറ്റ് രശ്മികളിൽ നിന്നുമുള്ള സംരക്ഷണം മാത്രമാണ് മിക്കവാറും ലേപനങ്ങൾക്ക് നൽകാൻ കഴിയുന്നത്. സൗന്ദര്യ വർദ്ധക വസ്തുക്കളിൽ അടങ്ങിയിരിക്കുന്ന രാസവസ്തുക്കൾ അലർജി ഉണ്ടാക്കാനിടയുണ്ട്.

സംരക്ഷണം

സൺസ്ക്രീനുകളും സൺബ്ലോക്കിംഗ് മരുന്നുകളും ഉപയോഗിച്ചാൽ അൾട്രാ വയലറ്റ് രശ്മി കൊണ്ട് ത്വക്കിലുണ്ടാകുന്ന വിപരീത ഫലങ്ങൾ, അകാല വാർദ്ധക്യം തുടങ്ങിയവ ഒഴിവാക്കാം. വെളുത്ത നിറമുള്ളവർക്ക് സൂര്യപ്രകാശം കൊണ്ടുള്ള ദോഷങ്ങൾ പ്രകടമായി കാണുന്നത്. ഇരുണ്ട നിറമുള്ളവരിൽ മെലാനിൻ എന്ന രാസ വസ്തു കൂടുതലായുള്ളതിനാൽ അൾട്രാവയലറ്റ് രശ്മികൾ വലുതായി ബാധിക്കാറില്ല.

സൗന്ദര്യ വർദ്ധക മരുന്നുകൾ തൊലിക്ക് യുവത്വം നൽകുമെന്ന് പറഞ്ഞ് പരസ്യപ്പെടുത്താറുണ്ട്. അതിനു കാരണമുണ്ട്. ചില രാസവസ്തുക്കൾ തൊലിയിലേക്ക് രക്തസംക്രമണം കൂട്ടുകയും ചർമ്മം തുടുത്തതായും പുതുമയാർന്നതായി തോന്നിപ്പിക്കുകയും ചെയ്യും. പക്ഷേ മുഖത്തെ ചുളിവുകളും തൊലിയുടെ തൂങ്ങലുകളും തട യാൻ ഈ മരുന്നുകൾക്ക് സാധിക്കുകയില്ല. ട്രറ്റി നോയിൻ, അഡാപലിൻ, റ്റാസറോട്ടിൻ ക്രീമുകൾ ചർമ്മ ക്ഷതങ്ങളെ ചെറുക്കുകയും കൊളാജൻ ഉണ്ടാകുന്നതിന് സഹായിക്കുകയും ചെയ്യും. അങ്ങനെ ചുളിവുകൾ കുറയുന്നു. ഗ്ലൈക്കോളിക് ആസിഡ്, ലാക്റ്റിക് ആസിഡ് അടങ്ങിയ ലേപനങ്ങളും ഇതിന് സഹായകമാണ്.

ആസിഡുകൾ, ആൽക്കലികൾ, തണുപ്പ്, ചൂട്, കാറ്റ്, വരൾച്ച ഇവയിൽ നിന്നൊക്കെ ചർമ്മത്തെ രക്ഷിക്കാനുള്ള ക്രീമുകൾ കുറെയൊക്കെ ഫല പ്രദമാണ്. കലാമിൻ അടങ്ങിയ ലേപനങ്ങളും ലോഷനുകളും ഇതിനുവേണ്ടി ഉപയോഗിക്കുന്നു.

പോഷണം

ചർമ്മ കോശങ്ങൾക്ക് പോഷകങ്ങൾ കിട്ടുന്നത്, തൊലിക്ക് താഴെയുള്ള രക്തധമനികളിൽ നി ന്നാണ്. അതുകൊണ്ട്, നഖത്തിലും മുടിയിലും തൊലിയിലും പുരട്ടുന്ന ലേപനങ്ങൾ കൊണ്ട് അവ പുഷ്ടിപ്പെടുമെന്ന അവകാശവാദം ശരിയാ ണെന്ന് തോന്നുന്നില്ല. പെല്ലാഗ പോലെയുള്ള വിറ്റാമിൻ കുറവുണ്ടാകുന്ന ചർമ്മ രോഗങ്ങൾക്ക് അവ ഫലപ്രദമായേക്കാം. ആഹാരത്തിൽ ആ വിറ്റാമിനുകൾ ഉൾപ്പെടുത്തുന്നത് കൊണ്ട് അസുഖത്തിന് ശമനമുണ്ടാകും.