ഉലുവാമാങ്ങ മുതൽ ഉപ്പുമാങ്ങ വരെ

ഹരിപ്പാട് അനന്തപുരം കൊട്ടാരത്തിന്റെ പാരമ്പര്യരുചികൾ

- 

ആലപ്പുഴ ജില്ലയിലെ ഹരിപ്പാട് അനന്തപുരം കൊട്ടാര വളപ്പിലുള്ള നാട്ടുമാവുകൾ രാജ്യചരിത്രത്തിന്റെ മാത്രമല്ല, സമ്പന്നമായ രുചിചരിത്രത്തിന്റെയും ഭാഗമാണ്. തലമുറകൾക്കു വേണ്ടി നിറഞ്ഞു കായ്ച്ച മാവുകളാണ് ഓരോന്നും. സമൃദ്ധമായി ലഭിച്ചിരുന്ന ഒന്നാന്തരം നാട്ടുമാങ്ങകൾകൊണ്ട് വർഷം മുഴുവനും സൂക്ഷിച്ചു വയ്ക്കാവുന്ന വിഭവങ്ങൾ തയാറാക്കിയിരുന്നു കൊട്ടാരം പാചകക്കാർ. ആന്ധ്രയിൽനിന്നുള്ള അയ്യങ്കാർമാർ ഉൾപ്പെടെ പണ്ട് കൊട്ടാരം പാചകപ്പുര വാണ പാചക രാജക്കന്മാരുടെ രുചിക്കൂട്ടുകൾ തലമുറകൾ കൈമാറി ഇന്നും നിലനിൽക്കുന്നുവെന്നു പറയുന്നു അനന്തപുരം കൊട്ടാരത്തിലെ പിൻതലമുറക്കാരനായ ഗോപകുമാർ, മോദക് എന്ന ബ്രാൻഡിലൂടെ അദ്ദേഹം അതിന്റെ വിപണനസാധ്യത പരീക്ഷിക്കുന്നുമുണ്ട്.