ഇരട്ടിയാക്കാം വിളവും വരുമാനവും

കേരളത്തിലെ പ്രധാനപ്പെട്ട ചില വിളകളിൽ മികച്ച വിളവ് നേടാൻ കർഷകർ വിജയകരമായി നടപ്പാക്കിയ തന്ത്രങ്ങൾ

- ജയിംസ് ജേക്കബ് തുരുത്തുമാലി ജോബി ജോസഫ്

ഗ്രോബാഗിൽ ഇഞ്ചി കൃഷി ചെയ്യുന്നത് അത്ര പുതിയ കാര്യമല്ല. ഒട്ടേറെ വീട്ടമ്മമാർ വീട്ടാവശ്യത്തിനായി ഇങ്ങനെ ഇഞ്ചി കൃഷി ചെയ്യുന്നുണ്ട്. എന്നാൽ, വാണിജ്യക്കൃഷിയിലും ഗ്രോബാഗ് രീതി ഫലപ്രദമെന്നു തെളിയിക്കുകയാണ് വയനാട് അമ്പലവയലിലെ യുവകർഷകൻ ചുള്ളിയോട് പുറക്കരിയിൽ ബിനേഷ് ഡൊമിനിക്. വർഷങ്ങളായി കർണാടകയിലും മറ്റും 50 ഏക്ക റോളം സ്ഥലത്ത് ഇഞ്ചിയും മറ്റു വിളകളും കൃഷി ചെയ്തു വരുന്ന പരിചയസമ്പന്നൻ. പരമ്പരാഗതരീതിയിൽ വാരങ്ങളുണ്ടാക്കി അടിവളം ചേർത്ത്, പുത നൽകി, തളിനനയും തളിവളവുമൊക്കെ നൽകി ഇഞ്ചിക്കൃഷി ചെയ്തു മികച്ച നേട്ടമുണ്ടാക്കാനും ബിനേഷിനു കഴിഞ്ഞിട്ടുണ്ട്. എന്നാൽ, വാണിജ്യ ഇഞ്ചിക്കൃഷിയിലെ പല തലവേദനകളും ഒഴിവാ ക്കാൻ ഗ്രോബാഗ് കൃഷി സഹായകമെന്ന് അദ്ദേഹം പറ യുന്നു. കൃഷിയിടത്തിൽ അധികംവരുന്ന ഇഞ്ചിവിത്ത് ഗ്രോബാഗുകളിൽ നട്ടപ്പോൾ ലഭിച്ച വിളവാണ് ഈ ശൈലി പരീക്ഷിക്കാൻ പ്രേരിപ്പിച്ചതെന്നും ബിനേഷ്.

വിജയിച്ച പരീക്ഷണം