കർഷകർക്ക് മധുരക്കാപ്പി

കാപ്പിക്കുരു കയറ്റുമതി ചെയ്യുന്ന വയനാട്ടിലെ കർഷക സംരംഭം

- 

"നിലവിൽ ഉണ്ടക്കാപ്പിക്ക് കിലോ 140-145 രൂപ വിലയുണ്ട്; പരിപ്പിന് 245 രൂപയും. കാപ്പിക്കർഷകരെ സംബന്ധിച്ച് എക്കാലത്തെയും മികച്ച വിലയാണിത്. വർഷങ്ങളായി ഉണ്ടക്കാപ്പി കിലോയ്ക്കു 45-50 രൂപ, പരിപ്പിന് 105-110 രൂപ നിലയിൽ വീണുകിടക്കുകയായിരുന്നു കാപ്പി വില. ഏറെക്കാലം മുൻപ് ഹ്രസ്വകാല ക്ക് ഒരു കിലോ പരിപ്പിന് 115 രൂപയും ഉണ്ടക്കാപ്പിക്ക് 45 രൂപയും വില വന്നിട്ടുണ്ട്. എന്നാൽ, അതിനു ശേഷം വർഷങ്ങളായി കാപ്പിവില താഴെയാണ്. കഴിഞ്ഞ വർഷം മുതലാണ് വിലയിൽ മാറ്റം വന്നു തുടങ്ങിയത്. ഈ മാറ്റം പക്ഷേ നിലനിൽക്കുമോ എന്ന കാര്യത്തിൽ ഉറപ്പില്ല. വയനാട് പുൽപ്പള്ളിക്കടുത്ത് സുരഭി കവലയിലുള്ള ജൈവ കർഷകനും വയനാട് സ്പൈസ് വില്ലേജ് എന്ന സംരംഭത്തി ന്റെ സ്ഥാപകനുമായ മാത്യു ഉണ്ണിപ്പള്ളിൽ പറയുന്നു.