കടലാസ് പൂന്തോട്ടം

ഒൻപതു സെന്റിൽ 5000 ബൊഗൈൻവില്ല ചെടികൾ

- 

വീട്ടുമുറ്റത്തും മട്ടുപ്പാവിലുമായി വിവിധ ഇനങ്ങളിൽ അയ്യായിരത്തോളം ബൊഗൈൻ വില്ല ചെടികൾ ഒരുക്കുന്ന വർണ പ്രപഞ്ചം. കൊച്ചിയിൽ തൃക്കാക്കര വാഴക്കാലയിൽ ദേശീയ കവലയ്ക്കു സമീപം ചേരിയിൽ വീട്ടിൽ മിനിയും ഭർത്താവ് ആന്റണിയുമാണ് ഈ അപൂർവ ശേഖരത്തിന്റെ ഉടമകൾ. വീടും പരിസരവുമായി 9 സെന്റിൽ കടലാസുപൂക്കളുടെ നിറസമൃദ്ധി.

നൂറിലധികം ഇനങ്ങളിലുള്ള ബൊഗൈൻ വില്ല ചെടികളാണ് ഫൈബർ ചട്ടികളിലും ഹാങ്ങിങ് പോട്ടുകളിലുമായി പരിപാലിക്കുന്നത്. 20 വർഷം മുൻപ് ഹോബിയായി തുടങ്ങിയ കടലാസ് പൂവ് ' എന്ന സംരംഭം വിപണനത്തിലേക്കു കടന്നിട്ട് നാലഞ്ചു മാസമേ ആയിട്ടുള്ളൂ. വിവാഹ ശേഷമാണ് ഇരുവരും കടലാസുപൂക്കളെ പ്രണയിച്ചു തുടങ്ങിയത്. എവിടെ യാത്ര പോയാലും ഒരു ബാഗൻ വില്ല തൈ വാങ്ങിയിരിക്കും. അങ്ങനെയങ്ങനെ ശേഖരം വിപുലമായപ്പോഴാണ് നഴ്സറിക്കു തുടക്കമിട്ടത്.