ഒഴിവാക്കാം. നിയന്ത്രിക്കാം രോഗ, കീടബാധ

അടുക്കളത്തോട്ടത്തിലെ കീട, രോഗബാധ നിയന്ത്രിക്കാൻ കുറച്ചു കാര്യങ്ങൾ ശ്രദ്ധിച്ചാൽ മതി. ഓരോ സീസണിലും അതിനു പറ്റിയ വിളകൾ തിരഞ്ഞെടുത്തു കൃഷി ചെയ്യണം

- ആർ. വീണാറാണി അഡീഷനൽ ഡയറക്ടർ (റിട്ട.), കൃഷിവകുപ്പ്. e-mail: [e-mail], [e-mail]

വിളപരിക്രമം പാലിക്കണം. അതായത്, മണ്ണിലായാലും ഗ്രോബാഗിലായാലും തുടർച്ചയായി ഒരു വിള കൃഷി ചെയ്യാതെ വിളകൾ മാറ്റി മാറ്റി കൃഷി ചെയ്യുക. വെണ്ട കൃഷി ചെയ്തിടത്ത് പിന്നീടു പയർ ആകട്ടെ. വെണ്ടയെ ആക്രമിക്കുന്ന കീടങ്ങൾ പയറിനെ ഉപദ്രവിക്കാറില്ല. ഒരേ വിള തുടർച്ചയായി ചെയ്യുമ്പോൾ കീടങ്ങൾ പെറ്റുപെരുകയും കൃഷി നശിക്കുകയും ചെയ്യും.

ഇനങ്ങളുടെ തിരഞ്ഞെടുപ്പ്: കീട, രോഗപ്രതിരോധശ ക്തിയും അത്യുൽപാദനശേഷിയുമുള്ള നാടൻ, സങ്കര ഇനങ്ങൾ നടാം. ബാക്ടീരിയൽ വാട്ടത്തെ പ്രതിരോധിക്കുന്ന ശക്തി, മുക്തി എന്നീ തക്കാളി ഇനങ്ങൾ വാട്ടരോഗ സാധ്യതയുള്ള സ്ഥലങ്ങളിൽ നടണം. വെണ്ടയിൽ മൊസൈക്ക് പ്രശ്നമുണ്ടാകുന്ന സ്ഥലത്ത് സൽകീർത്തി ഇനം വേണ്ടാ. പകരം സുസ്ഥിര ആകട്ടെ.