അപകടം മോഹൻലാലിന്റെ സഹയാത്രികൻ

അടുത്ത ഷോട്ടിനു വേണ്ടി മലമ്പാമ്പിനെ കൊണ്ടുവന്നു. സൂപ്പർ മലമ്പാമ്പ്. അതുകണ്ട് ആരാധകരുടെ കമന്റ് ലാലേട്ടനു പറ്റിയ എതിരാളി. രഞ്ജൻ പ്രമോദും അസിസ്റ്റന്റുമാരും ടെൻഷനിലായിരുന്നു

- പല്ലിശ്ശേരി

മോഹൻലാലിനെക്കുറിച്ച് ഇത്തവണ എഴുതുന്നില്ല എന്നു തീരുമാനിച്ചെങ്കിലും കഴിയുന്നില്ല. അത്രയ്ക്കും അനുഭവങ്ങളാണ് മോഹൻലാൽ എന്ന യൂണിവേഴ്സൽ നായക നടനുമായി ഉണ്ടായിട്ടുള്ളത്. പുതിയ സംവിധായകന്റെ സിനിമയിൽ മോഹൻലാൽ അഭിനയിച്ച തീവ്രമായ ഒരനുഭവമാണ് എഴുതുന്നത്.

സിനിമാ രംഗത്ത് പ്രവർത്തിക്കുന്ന മിക്കപേരുടേയും ആഗ്രഹം സംവിധായകൻ ആകാനാണ്. മികച്ച ക്യാമറമാനാണെങ്കിൽ, മികച്ച തിരക്കഥാകൃ ത്താണെങ്കിൽ, മികച്ച ഗാനരചയിതാവാണെങ്കിൽ, മിച്ച നടനാണെങ്കിൽ എല്ലാം സംവിധാനമോഹമുണ്ട്. ചിലർ രക്ഷപ്പെടും, മറ്റു ചിലർ സിനിമയിൽ നിന്നും പുറംതള്ളപ്പെടും.

കൈതപ്രം നല്ല പാട്ടെഴുത്തുകാരനാണ് നടനാണ്. ഹിറ്റു ഗാനങ്ങൾ നൽകിയ ഗാനരചയിതാവ് അദ്ദേഹം ഒരു സിനിമ തിരക്കഥ എഴുതി സംവിധാനം ചെയ്തു. അതോടുകൂടി കൈതപ്രത്തിന്റെ കഷ്ടകാലം ആരംഭിച്ചു. ആ സിനിമ ഇപ്പോഴും റിലീസ് ചെയ്യാൻ കഴിഞ്ഞിട്ടില്ല. സംവിധാനം ചെയ്യാൻ തീരുമാനിച്ചതിന്റെ പേരിൽ ഗാനരചന രംഗത്തു നിന്നും ഒറ്റപ്പെടുത്തി.

ലോഹിതദാസ് പൊന്നും വിലയുള്ള തിരക്കഥാകത്തായിരുന്നു. നല്ല സിനിമകൾ നിരവധി ഹിറ്റു സിനിമകൾ. എത്ര മികച്ച തിരക്കഥകൾ എഴുതിയാലും സിനിമ സംവിധായകന്റെ കലയാണ് എന്നാണല്ലൊ അലിഖിത നിയമം അതുകൊണ്ടു കൂടിയാകണം ലോഹിതദാസിന്റെ മന സ്സിൽ സംവിധാനമോഹം കൂടിക്കൂടി വന്നു. ദോഷം പറയരുതല്ലൊ, മികച്ച തിരക്കഥ എഴുതുന്നവരിൽ ചിലർ നല്ല സിനിമകൾ തന്നെയാണ് സംവിധാനം ചെയ്തിട്ടുള്ളത്.

എം.ടി. വാസുദേവൻ നായർ, പി.പത്മരാജൻ, ലോഹിതദാസ് തുടങ്ങിയവർ. ലോഹിതദാസിന്റെ സ്വപ്നങ്ങളിൽ അത്യാഗ്രഹം കൂടി കടന്നുവന്നതു കൊണ്ടാകണം, അല്ലെങ്കിൽ തമിഴിൽ കൂടി പ്രശസ്തനാകണം എന്ന അമിതമായ ആത്മവിശ്വാസത്തോടെ രചന - സംവിധാനത്തോടൊപ്പം നിർമ്മാണ രംഗത്തും കൈ വെച്ചത്. അതോടുകൂടി ജീനിയസ്സായ ലോഹിതദാസിന്റെ ജീവിതത്തിൽ ഉണ്ടാക്കിയ സ്വപ്ന മാളിക അടക്കം നഷ്ടപ്പെട്ടു.

പറഞ്ഞു വരുന്നത് പ്രശസ്ത തിരക്കഥാകത്തായ യുവ എഴുത്തുകാരൻ സംവിധാനം ചെയ്ത സിനിമയെക്കുറിച്ചാണ്. നല്ല സിനിമ... ആ സിനിമയിൽ ജീവൻ പണയം വെച്ചു തന്നെയാണ് മോഹൻലാൽ അഭിനയിച്ചത്. എന്നിട്ടോ?

അതേ കുറിച്ചാണ് എഴുതുന്നത്.

രണ്ടാം ഭാവം, മീശമാധവൻ, മനസ്സിനക്കരെ, അച്ചുവി ന്റെ അമ്മ, നരൻ തുടങ്ങിയ സിനിമകൾക്കു തിരക്കഥ എഴുതിയ രഞ്ചൻ പ്രമോദ് മോഹൻലാലിനെ നായകനാക്കി സിനിമ സംവിധാനം ചെയ്യാൻ തീരുമാനിച്ചു.

അമേരിക്കൻ മലയാളിയും കോട്ടയംകാരനും പ്രശസ്ത ചലച്ചിത്ര നിർമ്മാതാവുമായ ഹൗളി പോട്ടർ നിർമ്മാണം.