സംഗീതമെ ജീവിതം

സംഗീതരംഗത്തെ തന്റെ സ്വപ്നപദ്ധതികളുമായി ഗായിക ദിവ്യാബാലൻ

- ജി. കൃഷ്ണൻ

ധന്യാ വാദ് കർത്തി ഹു മെ

ഗായികാ ദിവ്യാബാലന്റെ മനസ്സിനുള്ളിൽ നിന്നും ഈ ഹിന്ദി ഡിവോഷണൽ സോംഗ് ഈണത്തിൽ കേൾക്കുന്നുണ്ടായിരുന്നു. ദിവ്യാബാലൻ താണ ബ്ദത്തിൽ പാടുകയാണ്.

കാതുകളിൽ ഒരു തെന്നലിന്റെ മധുരം പോലെ വന്നണഞ്ഞ, കുളിർമഞ്ഞുപോലെ ശീതളിമ പകർന്ന ആ ഗാനം പൂർണ്ണമായി കേട്ടുകഴിഞ്ഞപ്പോഴാണ് ദിവ്യയോട് ആ പാട്ടിനെക്കുറിച്ച് ആരാഞ്ഞത്.

അത് ഹിന്ദിയിലെ ഒരു ആൽബത്തിന് ഞാൻ പാടിയ ഡിവോഷണൽ സോംഗാണെന്നും ഇത് യു ട്യൂബിലുണ്ടെന്നും ദിവ്യ പറഞ്ഞു.

നിരവധി ആൽബങ്ങൾക്കുവേണ്ടിയും സിനിമയിൽ പിന്നണിഗാനരംഗത്തും പാട്ടുകൾ ആലപിച്ച് ശ്രദ്ധേയയായി വരുന്ന ഗായിക ദിവ്യാബാലൻ "നാന'യോട് സംസാരിക്കുന്നു.

ദിവ്യയുടെ ആലാപനരംഗത്തെ യാത്രയെക്കുറിച്ചു

2017 മുതൽ ചലച്ചിത്ര പിന്നണി ഗാനരംഗത്ത് ഞാൻ സജീവമായിട്ടുണ്ട്. നിരവധി സിനിമാഗാനങ്ങളുടെ ട്രാക്കുകളിലും ബാക്ക്ഗ്രൗണ്ട് സ്കോറിലും വിവിധ മ്യൂസിക് ആൽബങ്ങളിലും ഭക്തിഗാന ആൽബങ്ങളിലും പാടിയിട്ടുണ്ട്.

തെലുങ്ക് സിനിമയിലെ സൂപ്പർസ്റ്റാർ "നാനി' നായകനായ "നിന്നുകോരി' എന്ന ചിത്രത്തിന്റെ ട്രെയിലറിനു വേണ്ടി പാടിയാണ് പിന്നണിഗാനരംഗത്തേക്കുള്ള എന്റെ ആദ്യ പ്രവേശനം.