ജീവിതം നമ്മൾ പ്രതീക്ഷിക്കാത്ത രീതിയിലാണ് ഭാവന

സ്ക്കൂൾ കഴിഞ്ഞുള്ള എന്റെ ഓർമ്മകൾ മുഴുവൻ സിനിമ മാത്രമാണ്

- അജയ്കുമാർ

മിഷ്കിൻ എന്ന സംവിധായകന് ഐഡന്റിറ്റി ഉണ്ടാക്കിക്കൊടുത്ത സിനിമയായിരുന്നു "ചിത്തിരം പേശുതടി. 'ഭാവന തമിഴിൽ നായികയായി അരങ്ങേറ്റം കുറിച്ച ചിത്രം. നരേൻ ആയിരുന്നു നായകൻ.

"ചിത്തിരം പേശു തടി'ക്കുശേഷം തമിഴിൽ ഭാവനയ്ക്ക് തിരിഞ്ഞു നോക്കേണ്ടി വന്നില്ല. വസന്തബാ ലൻ, എഴിൽ, സ്റ്റാൻലി, ചരൺ, സിമ്രാൻ എന്നിങ്ങനെ അന്നത്തെ പ്രഗഭരായ സംവിധായകരുടെയെല്ലാം സിനിമകളിലൂടെ മികച്ച അഭിനേത്രിയായി ശ്രദ്ധനേടിയ ഭാവനയ്ക്ക് അജിത്തിനൊപ്പം അഭിനയിച്ച "അസൽ' എന്ന സിനിമയ്ക്ക ശേഷം തമിഴിൽ ഒരു ഇടവേള. അടുത്തിടെ രണ്ടാം വരവിനൊരുങ്ങി “ദി ഡോർ എന്ന സിനിമയിലൂടെ മടങ്ങിയെത്തിയ ഭാവന മനസ്സ് തുറന്നപ്പോൾ...

തമിഴിൽ റീ എൻട്രിയാവുന്നതിനെ എങ്ങനെ കാണുന്നു..

"ചിത്തിരം പേശു തടി' മുതൽ "അസൽ വരെ തുടർച്ച യായി തമിഴിൽ അഭിനയിച്ചുകൊണ്ടിരുന്നു. ഇടയ്ക്ക് ബ്രേക്ക് എടുത്ത് എന്നേയുള്ളൂ. അല്ലാതെ തമിഴ് സിനിമയെ വിട്ടു പോയിട്ടൊന്നുമില്ല. പിന്നെ എനിക്ക് അനുയോജ്യമായ നല്ല കഥകളൊന്നും എന്നെത്തേടി വന്നില്ല. തേടിവന്നവയൊന്നും എന്നെ ആകർഷിച്ചുമില്ല. തമിഴിൽ അഭിനയിച്ചില്ലെങ്കിലും കന്നട, മലയാളം ഭാഷകളിൽ തുടർച്ചയായി അഭിനയിക്കുന്നുണ്ട്. പിന്നെ ഞാൻ തമിഴിൽ അഭിനയിക്കുന്നില്ല എന്നൊരു തെറ്റായ വാർത്ത പ്രചരിച്ചിരുന്നു.