ഫ്രം സ്റ്റാർസിംഗെർ ടു തുടരും

ഒരു സിനിമയുടെ വിജയത്തിന് പിന്നിൽ പാട്ടുകളും ഒരു പ്രധാന പങ്ക് വഹിക്കുന്നുണ്ടെന്നത് ഒരു യാഥാർത്ഥ്യം ആണ്. അങ്ങനെ തുടരും' എന്ന ചിത്രത്തിന്റെ വിജയത്തിന്റെ ഭാഗമായ ഗോകുൽ ഗോപകുമാർ 'നാന'യ്ക്കൊപ്പം

- 

ഗോകുൽ മുന്നേ തന്നെ പ്രേക്ഷകർക്ക് അറിയപ്പെടുന്ന ഒരു സിംഗർ ആണെങ്കിലും മോഹൻലാൽ, ശോഭന തുടങ്ങിയ വലിയ താരങ്ങൾ അഭിനയിച്ച സിനിമയിൽ പാട്ടു കൊണ്ട് ഭാഗമാവാൻ കഴിഞ്ഞു എന്നുള്ളത് എങ്ങനെയാണ് നോക്കി കാണുന്നത്?

ഇത് ഒരുപാട് സന്തോഷമുണ്ട്. ഏതൊരു സിംഗറിന്റെയും വലിയ ആഗ്രഹം തന്നെയായിരിക്കും ഒരു സിനിമയിൽ പാടുക എന്നുള്ളത്. അതു പോലെ തന്നെയായിരുന്നു എനിക്കും. ആദ്യം തന്നെ ലാലേട്ടന്റെ പടത്തിൽ ആയത് എനിക്ക് ഒത്തിരി ഭാഗ്യം തോന്നുന്നുണ്ട്.

സ്റ്റാർ സിംഗർ വഴി കിട്ടിയ ഒരു അവസരമായിരുന്നോ ഇത്?

അതെ. ഷോയിൽ ജേക്സ് ചേട്ടൻ ഒരിക്കൽ ജഡ്ജ് ആയി വന്നിട്ടുണ്ടായിരുന്നു. അവിടുന്ന് ഡയറക്ടർ വഴിയാണ് എന്നെ കണക്ട് ചെയ്യുന്നത്. തുടരും സിനിമയാണ്, ലാലേട്ടന്റെ സിനിമയാണ് എന്നൊന്നും ആദ്യം എന്നോട് പറഞ്ഞിരുന്നില്ല. സ്റ്റുഡിയോയിൽ പോയപ്പോഴാണ് ഞാൻ എല്ലാ വിവരവും അറിയുന്നത്. പാട്ട് പാടുമ്പോൾ ആദ്യം ടെൻഷൻ ഉണ്ടായിരുന്നെങ്കിലും സ്റ്റുഡിയോയിൽ ഉള്ള റെക്കോർഡിങ് എൻജിനീയർ ഉൾപ്പെടെ ഉള്ള എല്ലാവരും എന്നെ നന്നായി സപ്പോർട്ട് ചെയ്തു.