കർഷകനായ കുഞ്ഞൂട്ടൻ

ചിത്രീകരത്തിന്റെ ഇടവേളയിൽ ഗിന്നസ് പക്രു മനസ്സ് തുറക്കുകയാണ്.

- എം.എസ്. ദാസ് മാട്ടുമന്ത

ആർക്ക് ലൈറ്റുകളുടെ വെള്ളി വെളിച്ചത്തിൽ ക്യാമറ ചലിച്ചു തുടങ്ങിയാൽ ഗിന്നസ് പ്രഭുവിന് കഥാപാത്രങ്ങളുടെ ഹൃദയം തൊട്ടറിയാൻ നിമിഷങ്ങൾ മതി. സിനിമയെ ജീവവായു പോലെ പ്രണയിക്കുന്ന ഗിന്നസ് പ്രഭുവിന് അഭിനയമെന്നത് ഒരുതരം പാഷനാണ്. നായകനായും, പ്രതിനായകനായും, സംവിധായകനായും സിനിമയിൽ നിറഞ്ഞു നിൽക്കുമ്പോൾ പോസിറ്റീവ് എനർജിയോടെയുള്ള ശുഭാപ്തിവിശ്വാസമാണ് ഗിന്നസ് പക്രുവിനെ മുന്നോട്ട് നയിക്കുന്നത്. ടെലിവിഷൻ പരിപാടികളിലൂടെ കുടുംബ സദസ്സുകളുടെ പ്രിയങ്കരനായി മാറുമ്പോഴും തന്നെ തേടിയെത്തുന്ന കഥാപാത്രങ്ങളുടെ മാനസികവിചാരങ്ങളിലൂടെ സഞ്ചരിക്കാനും ഗിന്നസ് പ്രഭു സമയം കണ്ടെത്തുന്നു.

സിനിമയിലെ തിരക്കുകൾക്ക് ഇടവേളയുണ്ടാവുമ്പോൾ ഭാര്യ ഗായത്രിയുടെയും, മൂത്ത മകൾ ദീപ്ത കീർത്തിയുടെയും, ഇളയ മകൾ ദ്വിജ കീർത്തിയുടെയും സ്നേഹ സാന്നിധ്യമാണ് ഗിന്നസ് പക്രുവിന്റെ മനസ്സിൽ ആഹ്ലാദം പെയ്തിറക്കുന്നത്. കൊടുങ്ങല്ലൂരിൽ ചിത്രീകരണം നടന്ന കുഞ്ഞുട്ടൻ 916 എന്ന ചിത്രത്തിന്റെ സെറ്റിലാണ് ഗിന്നസ് പക്രുവിനെ കണ്ടത്. ക്യാമറയുടെ മുന്നിൽ സംവിധായകന്റെ മനസ്സറിഞ്ഞ് സഞ്ചരിക്കുന്ന ഗിന്നസ് പക്രു കുഞ്ഞുട്ടനെന്ന ജൈവകർഷകന്റെ റോളിൽ നിറഞ്ഞു നിൽക്കുന്നു. ചിത്രീകരത്തിന്റെ ഇടവേളയിൽ ഗിന്നസ് പക്രു മനസ്സ് തുറക്കുകയാണ്.

കുഞ്ഞൂട്ടനെന്ന കേന്ദ്രകഥാപാത്രത്തെക്കുറിച്ച് സൂചിപ്പിക്കാമോ..?