ഇരട്ടക്കുട്ടികളുടെ അമ്മ

അപ്രതീക്ഷിതമായി ഞങ്ങളുടെ വീട്ടിലേക്ക് വന്നുചേർന്ന ഒരു പൂച്ചയും അവളുടെ രണ്ട് തലമുറയും ഞങ്ങളുടെ കുടുംബാംഗമായി മാറിയ കഥയാണ് എനിക്കു പറയാനുള്ളത്.

- സി. വി ബാലകൃഷ്ണൻ 

അപ്രതീക്ഷിതമായി ഞങ്ങളുടെ വീട്ടിലേക്ക് വന്നുചേർന്ന ഒരു പൂച്ചയും അവളുടെ രണ്ട് തലമുറയും ഞങ്ങളുടെ കുടുംബാംഗമായി മാറിയ കഥയാണ് എനിക്കു പറയാനുള്ളത്. കഥയിലെ നായിക ലുലു ആണെങ്കിലും അവളുടെ അമ്മയെക്കുറിച്ചു വേണം ആദ്യം പറയാൻ. കുറച്ചു കാലം മുൻപാണ്, അടുത്ത വീട്ടുകാർ കുറച്ചു ദിവസത്തേക്ക് ബംഗളൂരുവിലോ മറ്റോ പോയപ്പോൾ അവരുടെ മൂന്ന് പൂച്ചകളിൽ ഒരാൾ ഞങ്ങളുടെ വീട്ടിൽ ചേക്കേറി. കുവൈത്തിലുള്ള എന്റെ കൊച്ചുമകൻ തനയ്ക്ക് വിഡിയോ കോൾ വഴി ഞാൻ പൂച്ചയെ കാണിച്ചു കൊടുക്കുമായിരുന്നു. പൂച്ചയുമായി സൗഹൃദം സ്ഥാപിച്ച തനത്, അതുവരെ പേരൊന്നുമില്ലാത്ത അവൾക്ക് ടിടി എന്നു പേരിട്ടു.