નવરી બજાર

“બાલો” સદા ભરાય તે “લાલો”ની લોકપ્રિયતાથી પ્રેરાઇને

- લેખક : જીતેન્દ્ર ઠકકર

હિતિયો: બોસ, લાલો ફિલ્મ જોઈ?

વિનિયો: ત્રણ વાર જોઇ. હજી બે વાર જોઇશ.

હિતિયો: કેમ ત્રણ વાર જોઈ?

વિનિયો: શ્રમજાતું નથી કે આ ફિલ્મમાં એવું શું છે કે 100 કોડનો ધંધો કરી ગઈ?

હિતિયો: એમાં કૃષ્ણ છે.

વિનિયો: કૃષ્ણ તો ઘણી ફિલ્મોમાં આવે છે, છતાં ઘણી ફિલ્મો પહેલા દિવસે જ પાટિયા ઉતરતી જોયી છે.

હિતિયો: એમ તો મોદી અટક ધરાવતા 25 લાખ લોકો ભારત દેશમાં રહે છે, છતાં એક નરેન્દ્ર મોદી જ વડાપ્રધાન કેમ બન્યા? વિનિયો: હા, એ વાત સાચી છે. પણ મને એક વિચાર આવે છે—આપણે પણ આવી એક લો બજેટ ફિલ્મ બનાવીએ તો?

હિતિયો: વાહ! મારા મનની વાત બોલ્યો.

એટલામાં પદિયો ઉત્સાહમાં સિગારેટનો કક્ષ મારતો પ્રગટ થાય છે.

પદિયો: પાર્ટી! આપણે ફિલ્મ બનાવવાનું નક્કી કર્યું છે.

વિનિયો: અમે પણ એવું જ વિચારી રહ્યા છીએ.

પદિયો: એ વાત ઉપર ત્રણ આખી ચા અને 100 ગ્રામ ખારી-મારી તરફથી!

હિતિયો (ચાવાળાને): એ રણછોડ! ત્રણ આખી ચા અને 100 ગ્રામ ખારી-પદિયાભાઇના ખાતે. જલદી લાવ, ફિલ્મ ઉતરી જાય એ પહેલા.

પદિયો: હિતિયા, વિન્યા, સાંભળો... આપણે પણ લાલાની જેમ નવા કલાકારો લઇને ખૂબ ઓછા બજેટમાં ફિલ્મ બનાવવાની છે. જો 100 કરોડનો બિઝનેસ થાય તો આપણી પેઢીઓ તરી જશે!