ഇന്റഗ്രേറ്റഡ് B.Ed.

ബിരുദവും ബിഎഡും ഒറ്റയടിക്ക്

- എം.വി.സക്കറിയ

ബിരുദം കഴിഞ്ഞ് ഹൈസ്കൂളിലോ ഹയർ സെക്കൻഡറിയിലോ മറ്റോ അധ്യാപകരാവാനാണ് ആഗ്രഹമെങ്കിൽ, 2 വർഷ ബിഎഡിനു ചേരണം. ബിരുദത്തിനു സാമാന്യം നല്ല മാർക്ക് വേണം. ബിരുദകാലമടക്കം 6 വർഷത്തെ പഠനം. പകരം, പ്ലസ് ടു കഴിയുമ്പോൾ ത്തന്നെ ഇന്റഗ്രേറ്റഡ് ബി എഡ് പ്രവേശനം നേടിയാൽ നാലു വർഷംകൊണ്ട് ബിഎഡുമായി പുറത്തിറങ്ങാം ഇന്റഗ്രേറ്റഡ് ബിഎഡ് 1963ൽ സ്ഥാപിതമായ മൈസൂരുവിലെ റീജനൽ ഇൻസ്റ്റിറ്റ്യൂട്ട് ഓഫ് എജ്യുക്കേഷനിൽ ആറു പതിറ്റാണ്ടായി ഇന്റഗ്രേറ്റഡ് ബിഎഡ് പ്രോഗ്രാം നടത്തി വരുന്നുണ്ട്.

എൻസിഇആർടി (നാഷനൽ കൗൺസിൽ ഓഫ് എജ്യുക്കേഷനൽ റിസർച് ആൻഡ് ട്രെയിനിങ്) സ്ഥാപിച്ച അഞ്ചു കേന്ദ്രങ്ങളിൽ ഒന്നാണിത്. അജ്മീർ, ഭോപാൽ, ഭുവനേശ്വർ, ഷില്ലോങ് എന്നിവയാണു മറ്റുള്ളവ.

മൈസൂരുവിൽ ബിഎസ്സി ബിഎഡ്, ബിഎബിഎഡ്, എംഎസ്സിഎഡ് പ്രോഗ്രാമുകളുണ്ട്. ബിഎസ്സിബി എഡ് പ്രോഗ്രാമിൽ ഫിസിക്കൽ സയൻസ്, ബയോളജിക്കൽ സയൻസ് ഗ്രൂപ്പുകളുണ്ട്. ബിഎബിഎഡിനു പ്രവേശനം ലഭിക്കാൻ ഇംഗ്ലിഷിനും രണ്ടാം ഭാഷയ്ക്കും പുറമേ ഹിസ്റ്ററി, ജോഗ്രഫി, എക്കണോമിക്സ്, പൊളിറ്റിക്കൽ സയൻസ്, സോഷ്യോളജി എന്നിവയിൽ ഏതെങ്കിലും രണ്ടു വിഷയങ്ങൾ പ്ലസ് ടുവിനു പഠിച്ചിരിക്കണം.

എംഎസ്സിഎഡ് പ്രോഗ്രാമിൽ 6 വർഷത്തെ പഠനശേഷം എംഎസിയും ബിഎഡും ലഭിക്കും. ഫിസിക്സ്/കെമിസ്ട്രി/മാസ് വിഷയങ്ങളിലാണ് എംഎസി

വെബ്സൈറ്റ്: https://riemysore.ac.in/

കോമൺ എൻട്രൻസ് ടെസ്റ്റ്