പഠനത്തിന് ഊർജമേകാൻ ഫിസിക്സിന്റെ സാധ്യതകൾ

വിവിധ പഠനവിഭാഗങ്ങളുമായി അടുത്ത ബന്ധം പുലർത്തുന്ന പഠനശാഖയാണു ഫിസിക്സ്

- ബി.എസ്.വാരിയർ

പദാർഥം, ഊർജം, അവ തമ്മിലുള്ള ബന്ധം എന്നിവയുടെ പഠനമാണു ഫിസിക്സ്, ദ്രവ്യത്തിന്റെ ഭൗതികഗുണങ്ങൾ, ഘടന എന്നിവയും ഇതിൽ ചർച്ച ചെയ്യുന്നു. താപം, പ്രകാശം, കാന്തശക്തി, വൈദ്യുതി, ശബ്ദം തുടങ്ങിയ ഊർജരൂപങ്ങളും ഫിസിക്സ് കൈകാര്യം ചെയ്യുന്നു. ഗുരുത്വാകർഷണവും ബലങ്ങളും ചലനങ്ങളും ഉൾപ്പെടുന്ന ബലതന്ത്രവും (മെക്കാനിക്സ്) പ്രധാന പഠനശാഖയാണ്. ആണവകണങ്ങൾ മുതൽ ആകാശഗംഗവരെ ഇതിന്റെ പരിധിയിൽ വരും. ആണവകണങ്ങളുടെ മേഖലയായ പാർട്ടിക്കിൾ ഫിസിക്സ് ശ്രദ്ധേയ ശാഖയാണ്.