KAS രണ്ടാം വിജ്ഞാപനം വരുന്നു

കെഎഎസിൽ 3 ഒഴിവ് റിപ്പോർട്ട് ചെയ്തതോടെ ഈ മാസമോ മാർച്ചിലോ പുതിയ വിജ്ഞാപനത്തിനു പിഎസ്സി ഒരുങ്ങുന്നു

- ഷാജി പൊന്നോല

കേരള അഡ്മിനിസ്ട്രേറ്റീവ് സർവീസിലേക്ക് (കെഎഎസ്) രണ്ടാം വിജ്ഞാപനം ഉടൻ പ്രസിദ്ധീകരിക്കും. 2024 ഡിസംബറിൽ നിലവിൽ വന്ന 3 ഒഴിവ് പൊതുഭരണ വകുപ്പ് കഴിഞ്ഞയാഴ്ച പിഎസ്സിയിൽ റിപ്പോർട്ട് ചെയ്തതിന്റെ അടിസ്ഥാനത്തിലാണ് പുതിയ കെഎഎസ് വിജ്ഞാപനം പ്രസിദ്ധീകരിക്കാൻ പി എസി തയാറെടുക്കുന്നത്. 29 വകുപ്പിലെ 105 തസ്തികയിലേക്കായിരുന്നു ആദ്യ കെഎഎസ് വിജ്ഞാപനം.

ഫെബ്രുവരി അവസാനമോ മാർച്ചിലോ വിജ്ഞാപനം പ്രസിദ്ധീകരിക്കുമെന്ന് അറിയുന്നു. 2019 നവംബർ ഒന്നിനായിരുന്നു ആദ്യ കെഎഎ സ് വിജ്ഞാപനം. രണ്ടു വർഷത്തിലൊരിക്കൽ വിജ്ഞാപനം പ്രസിദ്ധീകരിച്ചു നിയമനം നടത്തണമെന്നാണ് കെഎഎസ് സ്പെഷൽ റൂൾസിലെ വ്യവസ്ഥയെങ്കിലും ആദ്യ വിജ്ഞാപനം വന്ന് 5 വർഷത്തിനു ശേഷമാണ് രണ്ടാം വിജ്ഞാപനം വരുന്നത്. 2021 ഒക്ടോബർ 8നു പ്രസിദ്ധീകരിച്ച ആദ്യ റാങ്ക് ലിസ്റ്റ് റദ്ദായിട്ടുതന്നെ 3 വർഷം കഴിഞ്ഞു.

വിജ്ഞാപനം 3 സ്ട്രീമിൽ