മാറ്റുവിൻ ചട്ടങ്ങളെ...

ഫെബ്രുവരി 28 ദേശീയ ശാസ്ത്രദിനമാണ്. ജീവിതത്തിൽ ഉടനീളം ശാസ്ത്രത്തിന്റെ രീതി പിന്തുടരണമെന്നതാകണം ഈ ദിനത്തിൽ നാം എടുക്കേണ്ട പ്രതിജ്ഞ.

- മീര ടീച്ചർ 9846845178

ബുധിനി മെജാൻ 83-ാം വയസ്സിൽ അന്തരിച്ചു എന്ന വാർത്ത കൂട്ടുകാർ ശ്രദ്ധിച്ചിട്ടു ണ്ടാകുമെന്ന് കരുതട്ടെ. സാറാ ജോസഫിന്റെ ബുധിനി എന്ന നോവലിലെ കേന്ദ്ര കഥാപാത്രമായി ബുധിനിയെ അറിയുന്നവരുണ്ടാകും.

യഥാർഥത്തിൽ ആരാണ് ബുധിനി മെജാൻ വർഷം 1959. 

ഝാർഖണ്ഡിലെ ദാമോദർ നദിയിൽ പണിതുയർത്തിയ പത്ത് ഡാമിന്റെ ഉദ്ഘാടനം നടക്കുന്നു.

ഡാം ഉദ്ഘാടനം ചെയ്യേണ്ടിയിരുന്നത് അന്നത്തെ പ്രധാനമന്ത്രിയായിരുന്ന നെഹ്റുവാണ്.

എന്നാൽ ഡാം രാഷ്ട്രത്തിന് സമർപ്പിക്കേണ്ടത് താനല്ല, അതിന്റെ നിർമാണത്തിനായി അഹോരാത്രം പണിയെടുത്ത തൊഴിലാളികളായിരിക്കണമെന്നാണ് നെഹ്റു ആവശ്യപ്പെട്ടത്.

അങ്ങനെ, ഡാമിലെ ഒരു തൊഴിലാളിയായിരുന്ന സാന്താൾ ഗോത്ര വംശജ, 15 വയസ്സുകാരി ബുധിനി, ഡാം ഉദ്ഘാടനത്തിനായി നിയോഗിക്കപ്പെട്ടു.

അന്ന് ബുധിനി നെഹ്റുവിനെ മാലയിട്ട് സ്വീകരിക്കുകയും നെഹ്റു ആ മാല തിരിച്ച് ബുധിനിയുടെ കഴുത്തിൽ അണിയിക്കുകയും ചെയ്തു.