ഒരു തുള്ളി വീഴാൻ പത്തു വർഷം

ലോകത്തെ ഏറ്റവും സ്ലോ ആയി നടക്കുന്ന പരീക്ഷണത്തിന്റെ കഥ

- 

ലോകത്തിലെ ഏറ്റവും നീളമേറിയ പരീക്ഷണം ഏതാണ്? 1927-ൽ തുടങ്ങി ഇന്നും തുടർന്നുകൊണ്ടിരിക്കുന്ന ഒരു പരീക്ഷണത്തിനാണ് ആ ഗിന്നസ് റെക്കോർഡ്.

പരീക്ഷണം എന്നൊക്കെ കേൾക്കുമ്പോൾ പലരുടെയും മനസ്സിൽ വരിക ലാബിൽ "ടപ്' എന്നു പൊട്ടിത്തെറിക്കുന്ന രാസവസ്തുക്കളോ മിന്നൽ വേഗത്തിൽ സഞ്ചരിക്കുന്ന റോക്കറ്റുകളോ ഒക്കെയാണ്, അല്ലേ? എന്നാൽ ഒച്ചിനേക്കാൾ “സ്ലോ ആയ പരീക്ഷണങ്ങളും ലോകത്തിലുണ്ട് എന്നറിയാമോ? അത്തരത്തിലൊന്നാണ് "പിച്ച് ഡോപ്പ് എക്സ്പെരിമെന്റ്' (Pitch Drop Experiment).

ഓസ്ട്രേലിയയിലെ ക്വീൻസ് ലാൻഡിൽ സർ തോമസ് പാർനെൽ (Thomas Parnell) എന്ന ഗവേഷകനാണ് 1927-08 ഇതിനു തുടക്കമിട്ടത്. പുറമെ നോക്കിയാൽ കരിങ്കല്ലു പോലെ ഉറപ്പുള്ള ചില വസ്തുക്കൾ യഥാർഥത്തിൽ ദ്രാവകങ്ങൾ (Liquids) ആണെന്ന് തന്റെ വിദ്യാർഥികൾ തെളിയിച്ചു കൊടുക്കുക അതായിരുന്നു അദ്ദേഹത്തിന്റെ ലക്ഷ്യം!