ആയുർവേദ ചികിത്സാരംഗത്തെ അതികായൻ

ആയുർവേദചികിത്സാലയം എന്നത് ആയുർവേദറിസോർട്ട് എന്ന കോൺസെ പ്റ്റിൽ ആദ്യമായി ലോകത്തിനുതന്നെ പരിചയപ്പെടുത്തിയത് ഞങ്ങളാണ്.“ആയുർവേദടൂറിസം” എന്ന പുതിയൊരു കോൺസെപ്റ്റിന്റെ ഉപജ്ഞാതാക്കളും ഞാനും എന്റെ സഹോദരൻ പോൾ മാത്യുവുമാണ്.

- 

ഇന്ന് ലോകടൂറിസം മേഖലയിൽ അറിയപ്പെടുന്ന പേരാണ് ആയുർവേദ ടൂറിസം. ലോകമെമ്പാടുമുള്ള വിദേശ വിനോദസഞ്ചാരികൾക്കിടയിൽ ആയുർവേദം, പ്രകൃതിചികിത്സ, യോഗ എന്നിവ ജനകീയമാക്കുന്നതിൽ ഇദ്ദേഹത്തിന്റെ പങ്ക് വലുതാണ്. കേരള ട്രാവൽ മാർട്ട് സൊസൈറ്റിയു ടെ (കെടിഎം) പ്രസിഡന്റ്, ചലച്ചിത്ര നിർമ്മാതാവ്, ടൂറിസം സംരംഭകൻ, പരിസ്ഥിതി സംരക്ഷകൻ, ആയുർവേദ ത്തിന്റെ പ്രചാരകൻ, കേരള അത്ലറ്റിക് അസോസിയേഷൻ പ്രസിഡന്റ്, വേൾഡ് മലയാളി കൗൺസിലിന്റെ ഗ്ലോബൽ വൈസ് പ്രസിഡന്റ്, കേരള ചിൽഡ്രൻ സ് ഫിലിം സൊസൈറ്റി പ്രസിഡന്റ്, കേരള ടെലിവിഷൻ ഫെഡറേഷൻ പ്രസിഡന്റ് എന്നിങ്ങനെ വിശേഷണങ്ങൾ ഏറെയാണ് ഈ വ്യക്തിക്ക്. ആയുർവേദ ചികിത്സയെ പരിസ്ഥിതിക്കിണങ്ങുന്ന തരത്തിലുള്ള ടൂറിസം എന്ന ആശയമായി വിപുലീകരിച്ച് സോമതീരം ആയുർവേദ ഗ്രൂപ്പ് എന്ന സംരംഭത്തിലൂടെ നിശ്ചയ ദാർഢ്യത്തോടും അശ്രാന്ത പരിശ്രമത്തിലൂടെയും ലോകടൂറിസം ഭൂപടത്തിൽ ആയുർവേദടൂറിസം എന്ന വാക്കിനെ തങ്ക ലിപികളിൽ എഴുതിച്ചേർത്ത സോമതീരം ആയുർവേദപ്പിന്റെ ചെയർമാനും മാനേജിങ് ഡയറക്ടറുമായ ബേബി മാത്യുവുമായി യുണീംസ് സബ് എഡിറ്റർ ഷീജ നായർ നടത്തിയ അഭിമുഖം.

ചലച്ചിത്ര നിർമ്മാതാവ്, ടൂറിസം സം രംഭകൻ, പരിസ്ഥിതി സംരക്ഷകൻ, ആയുർവേദത്തിന്റെ പ്രചാരകൻ, കേരള അത്ലറ്റിക് അസോസിയേഷന്റെ മൂന്ന് ടേമിന്റെ തുടർച്ചയായ പ്രസിഡന്റും ഇപ്പോഴത്തെ പേട്രണും, ടെലിവിഷൻ തുടങ്ങി വൈവിധ്യമായ മേഖലകളിൽ പ്രാവീണ്യം തെളിയിച്ചിട്ടുള്ള താങ്കൾ എങ്ങനെയാണ് ഇവയൊക്കെ സമന്വയിപ്പിച്ചുകൊണ്ട് പോകുന്നത് ? ഇവയിൽ ഇഷ്ടമേഖല എതാണ്?