കുഞ്ഞുങ്ങൾക്കു സ്നേഹം വാരിവാരി കൊടുക്കാം

ലോകമെങ്ങുമുള്ള കുഞ്ഞുങ്ങളുടെ ദിനമാണ് നവംബർ 20. കൂട്ടുകാരെപ്പോലും കാണാനാവാതെ കൂട്ടിലാക്കിയ അവർക്ക് ഏറ്റവും ബലമാകേണ്ടത് രക്ഷിതാക്കളാണ്. ഒപ്പം മൊബൈൽക്കൂട്ടിൽ പെട്ടു പോകാതെ ജാഗ്രതയും വേണം

- ഡോ.അരുൺ ബി.നായർ, സെക്യാട്രിസ്റ്റ്, മെഡിക്കൽ കോളജ്, തിരുവനന്തപുരം

തെങ്ങിൽ കെട്ടിയിട്ട് അടിച്ചതുകൊണ്ടാണു താൻ നന്നായത് എന്ന് ഒരച്ഛൻ വിചാരിച്ചാൽ അദ്ദേഹം കുട്ടിയോടും അങ്ങനെയല്ലേ പെരുമാറുകയുള്ളൂ. പക്ഷേ, കാലം മാറി. കുട്ടികളെ അമിതമായി ശിക്ഷിക്കുന്ന കാലമല്ല ഇത്. ശിക്ഷിക്കാം, പക്ഷേ അതു സ്നേഹപൂർണമാകണം. അത് എങ്ങനെയെന്ന് അറിയാത്തവർ അറിയുന്നവരോടു ചോദിക്കണം.