அப்பி! ஒரு தலைப்பு சொல்லேன்!

பெரிய்ய்ய ஊர்ல இல்லாத அப்பா.. எப்பப் பார்த்தாலும் அப்பாவைப் பத்தியே பெருமை பேசிக்கிட்டு... என்று பள்ளி நாட்களில் நண்பர்கள் கிண்டல் அடிப்பார்கள். (அப்பாவை அப்பி என்று நாங்கள் அழைப்பதற்கும் ஒரே கேலிதான்) ஆமா, ஊர்ல இல்லாத அப்பாதான் எனக்கு. உனக்கு என்ன வந்துச்சு? என்று நானும் சிலுப்பிக் கொள்வேன். "எங்க அப்பா சொன்னாங்க, எங்க அப்பா சொன்னாங்க-” என்று நாள்தோறும் ஏதாவது கூறுவதே எனக்கு வழக்கமாக இருந்தது.

- மருத்துவர் அகிலாண்ட பாரதி

எல்லா வீட்டிலும் பிள்ளைகளைப் பொத்திப் பாதுகாத்து வளர்த் திருப்பார்கள் என்றால், என்னையும் என் தங்கையையும் மூடி வைத்து வளர்த்தார்கள் என்றே சொல்லலாம். அவ்வளவு அதிக கவனம், அதிக பாதுகாப்பு. அது குறித்த சிறு கோபமும் எனக்கு முன்பு உண்டு. பின்னாளில் மருத்துவத் துறைக்கு வந்தபின் பெற்றோரின் கவனக் குறைவால் குழந்தைகள் விபத்துக்குள