கமலா ஹரிஸ்: நூறாண்டு வரலாற்றில் முதல் நிகழ்வு!

வணிகம், அறிவியல், கல்வி திரைப்படமென எந்த துறையாக இருந்தாலும் முன்னேறிய நிலையில் இருக்கும் நாடு அமெரிக்கா. முன்னணியில் இருப்பது மட்டுமன்றி ஆதிக்கமும் செலுத்துகிறது. அப்படியான நாட்டிலேயே 1920-இல்தான் பெண்களுக்கு வாக்குரிமை அளிக்கப்பட்டிருக்கிறது. இதுவும் எளிதாக கிடைத்த தல்ல. ஏறக்குறைய 50 ஆண்டுகால போராட்டங்களுக்கு பிறகு பெண்களுக்கு கிடைத்த உரிமை அது.

- வே. மதிமாறன்

1920-களில் அமெரிக்காவில் பல்வேறு அறிஞர்களும், ஆளுமைகளும் உருவாகி இருந்தனர். திரைப்படத் துறைகூட அப்போது முழு வீச்சில் செயல்பட தொடங்கிவிட்டது. பல்வேறு பெண் கலைஞர்கள் நடிகைகளாக தடம் பதித்தனர். எனினும் பெண்களுக்கு வாக்குரிமை மறுக்கப்பட்டிருந்தது. இதன் மூலம் அமெரிக்கா பெண்களை எவ்வளவு மோசமாக நடத்தியது என்பதை அறியமுடிகிறது.