இந்தியாவின் நம்பிக்கைகள்!

முதல்முறையாக 121 பேர் கொண்ட பெரும்படையுடன் பிரேசிலுக்குப் புறப்பட்டிருக்கிறது இந்தியா. ஒலிம்பிக்குக்கு அதிக வீரர்கள் தகுதி பெற்றிருப்பதால், இந்த முறை இந்தியா டபுள் டிஜிட்டில் பதக்கங்களை அள்ளும் என்ற எதிர்பார்ப்பும் எகிறியிருக்கிறது. நிச்சயம் பதக்கம் வெல்வார்கள் எனக் கணிக்கப்பட்டிருக்கும் கில்லிகளி...

- Ananda Vikatan

முதல்முறையாக 121 பேர் கொண்ட பெரும்படையுடன் பிரேசிலுக்குப் புறப்பட்டிருக்கிறது இந்தியா. ஒலிம்பிக்குக்கு அதிக வீரர்கள் தகுதி பெற்றிருப்பதால், இந்த முறை இந்தியா டபுள் டிஜிட்டில் பதக்கங்களை அள்ளும் என்ற எதிர்பார்ப்பும் எகிறியிருக்கிறது. நிச்சயம் பதக்கம் வெல்வார்கள் எனக் கணிக்கப்பட்டிருக்கும் கில்லிகளின் அறிமுகம் இங்கே... சதீஷ் சிவலிங்கம்: தங்கத் தமிழன். 2014-ம் ஆண்டு காமன்வெல்த் போட்டியில் 77 கிலோ எடைப் பிரிவில் தங்கப்பதக்கம் வென்ற 24 வயதான சதீஷ், வேலூர் சத்துவாச்சாரி கிராமத்தைச் சேர்ந்தவர். அப்பா வெயிட் லிஃப்ட்டர். சிறுவயதில் இருந்தே ஜிம்தான் சதீஷின் வாழ்க்கை. கடந்த ஆண்டு நடந்த உலக சாம்பியன் போட்டியின்போது, டிஸ்க் ஒன்று தவறி சதீஷின் முதுகில் விழுந்தது. கடும் காயத்தில் இருந்து மீண்டு ஒலிம்பிக்குக்குத் தயாராகியிருக்கிறார் சதீஷ். கடந்த ஆண்டு தேசிய பளுத்தூக்குதல் போட்டியில், மிக அதிகமாக 339 கிலோ எடையைத் தூக்கி சாதனைப் பதித்தார். ஆனால், உலக அளவில் இந்த 77 கிலோ எடைப் பிரிவில் 367 கிலோ எடையைத் தூக்கி அதிகபட்ச ரெக்கார்டு வைத்திருக்கிறார் அர்மேனியாவின் 21 வயது ஆண்ட்ரேனிக் காரப்பெட்டியான். தவிரவும் கஸகஸ்தான், ரஷ்யா ஆகிய நாடுகளைச் சேர்ந்த 15 வீரர்கள் சதீஷின் பெஸ்ட் 339 கிலோ எடையைவிட அதிக எடை தூக்கியிருக்கிறார்கள்.  சதீஷுக்குக் கடும் சவால் காத்திருக்கிறது. கே.கணபதி: இந்தியாவின் அதிவேக நடைமனிதர். சும்மா நடந்தால்கூட ஒலிம்பிக் கனவுடன்தான் நடப்பார். கடந்த பிப்ரவரி மாதம் ஜெய்ப்பூரில் நடந்த தேசிய தடகளப் போட்டியில், 20 கி.மீ தூரத்தை 1 மணி நேரம் 21 நிமிடம் 51 விநாடிகளில் கடந்து, ரியோ ஒலிம்பிக்குக்குத் தகுதிபெற்றார். இவர் கிருஷ்ணகிரி அருகில் கவுண்டனூர் கிராமத்தைச் சேர்ந்தவர். ``எங்கள் குடும்பம் சந்தோஷமாக வாழ, மாதம் 5,000 ரூபாய் போதும். ஆனால், திடீரென என் மகன் `ஒலிம்பிக்குக்குப் போக இரண்டு லட்சம் ரூபாய் வேண்டும்' எனச் சொன்னபோது எனக்கு என்ன செய்வது என்றே தெரியவில்லை'' என்கிறார் கணபதியின் தந்தை கிருஷ்ணன். இந்திய ராணுவத்தில் ஹவில்தாராகப் பணிபுரியும் கணபதியின் மாதச் சம்பளம் 20,000 ரூபாய். ``அவனின் சம்பளம் முழுக்க பயிற்சிக்காகவும், ஷூ போன்ற உபகரணங்கள் வாங்கவும் செலவாகிடும். என் மகனோட ஒலிம்பிக் கனவு நிறைவேற மூன்று லட்சம் ரூபாய் கடன் வாங்கியிருக்கோம். ஒலிம்பிக் பதக