റമസാൻ നിലാവൊത്ത പെണ്ണല്ലേ...

റമസാൻ ആഘോഷത്തിൽ നിലാവു പോൽ തിളങ്ങാൻ മൂന്നു മേക്കപ് ലുക്സ്

- അമ്മു ജൊവാസ്

എല്ലാവരും ചേരുമ്പോഴുള്ള മൈലാഞ്ചി നിറങ്ങളും സൊറപറയലിന്റെ കിലുക്കങ്ങളും അസ്സൽ ബിരിയാണി മണവും നിറയുന്ന റമസാൻ നാളിന് ആഘോഷപ്പിറയുടെ തിളക്കമാണ്.

ഈ നാളിൽ നിലാവു പോൽ മൊഞ്ചത്തിയാകാനും സെൽഫിയിൽ ചിരി മിന്നി നിൽക്കാനും സഹായിക്കുന്ന മൂന്നു മേക്കപ് ലുക്സ് പറഞ്ഞുതരട്ടേ... ഏതവസരത്തിന് അണിയണം, എങ്ങനെ അപാകതകളില്ലാതെ അണിയാം തുടങ്ങിയ കാര്യങ്ങളും ഒപ്പമുണ്ടേ...

ചർമം റെഡിയാക്കാം

ചിത്രം ഭംഗിയുള്ളതാകണമെങ്കിൽ കാൻവാസ് നന്നാകണമല്ലോ, അതുപോലെയാണ് മേക്കപ്പിന്റെ കാര്യവും. നല്ല ചർമത്തിലാണ് മേക്കപ് ഭംഗിയായി അണിയാനാകുക, ചിട്ടയായ സ്കിൻ കെയറിലൂടെ ചർമകാന്തി സംരക്ഷിക്കാവുന്നതേയുള്ളൂ. ഇനി മേക്കപ്പിനു മുന്നോടിയായുള്ള സ്കിൻ പ്രെപ് എങ്ങനെ വേണമെന്നു നോക്കാം.

ക്ലെൻസിങ്: ക്ലെൻസർ ഉപയോഗിച്ചു ചർമത്തിലെ അഴുക്കും അമിത എണ്ണമയവും നീക്കം ചെയ്യാം. അടഞ്ഞിരിക്കുന്ന ചർമസുഷിരങ്ങൾ തുറക്കുകയും ചെയ്യും.

മോയിസ്ചറൈസിങ് : ലൈറ്റ് വെയ്റ്റ് മോയിസ്ചറൈസർ പുരട്ടി മുഖത്തിനു ഹൈഡഷൻ നൽകാം. ചർമം മൃദുവാകമെന്നു മാത്രമല്ല, ജലാംശമുള്ള ചർമത്തിൽ ഫൗണ്ടേഷൻ വരണ്ടതാകുകയുമില്ല.

പ്രൈമിങ് : ചർമത്തിനു ചേരുന്ന പ്രൈമർ അണിയുന്നതാണു സ്കിൻ പ്രിപറേഷനിലെ അവസാനപടി. എണ്ണമയമുള്ള ചർമത്തിനു മാറ്റിഫയിങ് പ്രൈമറും വരണ്ട ചർമത്തിന് ഹൈഡ്രേറ്റിങ് പ്രമമാണ് അണിയേണ്ടത്. മേക്കപ്പിനു നല്ല ഫിനിഷിങ് കിട്ടാനും മേക്കപ് ഏറെ സമയം നിലനിൽക്കാനും പലർ സഹായിക്കും.

മിനിമൽ ആയാലോ ?