വേനലിൽ വേണം കൂടുതൽ കരുതൽ

വേനൽക്കാലത്ത് ഉദ്യാനത്തിലെ ചെടികൾക്കു നൽകേണ്ട പരിപാലനം

- ജേക്കബ് വർഗീസ് കുന്തറ റിട്ട. പ്രഫസർ, ബോട്ടണി വിഭാഗം, ഭാരത് മാത കോളജ് എറണാകുളം

വേനൽച്ചൂട് കൂടിവരുന്നു. പൂന്തോട്ടത്തിലെ പല സങ്കരയിനം ചെടികളും ദുർബല പ്രകൃതമുള്ളവയാണ്. വേനലിലെ ചൂടും പൊടിയും അതിജീവിക്കാൻ പലതിനും ശേഷി ഉണ്ടാകില്ല. കീടശല്യം, കടുത്ത ചൂട് എന്നിവ ഈ സമയത്തു ശ്രദ്ധ നൽകേണ്ട കാര്യങ്ങളാണ്. ഓർക്കിഡ്, ആന്തൂറിയം, ജെർബറ തുടങ്ങിയ പൂച്ചെടികൾക്കെല്ലാം വേനൽക്കാലത്തു ദിവസവും രണ്ടു നേരം നന നൽകണം. ഓർക്കിഡുകൾക്ക് വൈകുന്നേരത്തെ നന ഇലകളിൽ വീഴാതെ വേരുകൾക്കും നട്ടിരിക്കുന്ന മിശ്രിതത്തിനും മാത്രം മതി.

ആന്തൂറിയം നനയ്ക്കുമ്പോൾ ഇലകളും നന്നായി നനയ്ക്കണം. ചെടികൾ സമൃദ്ധമായി പുഷ്പിക്കാൻ രാസ വളങ്ങൾക്കൊപ്പം വേപ്പിൻപിണ്ണാക്ക് പുളിപ്പിച്ചെടുത്തതിന്റെ തെളി നേർപ്പിച്ചത്, ഗോമൂത്രം നേർപ്പിച്ചത്, വെർമി വാഷ് നേർപ്പിച്ചത് തുടങ്ങിയ ജൈവവളങ്ങളും ഈ സമയത്ത് ഉപയോഗിക്കാം.

ബൊഗൈൻ വില്ല പൂവിടാൻ