ഐ ഫോൺ ഡാറ്റയും ഈസി ഇ സിമ്മും

സ്മാർട് ഫോണിലെ കൂടുതൽ ടെക്നിക്കുകൾ അറിയാനും വിവിധ ആവശ്യങ്ങൾ സ്മാർട്ടായി നിറവേറ്റാനും പഠിക്കാം

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

ഐ ഫോൺ ഉപയോഗിക്കുന്നവർ ആൻഡ്രോയ്ഡ് ഫോൺ വാങ്ങിയാലും ആൻഡ്രോയ്ഡ് ഫോൺ ഉപയോഗിക്കുന്നവർ ഐ ഫോൺ വാങ്ങിയാലും ബുദ്ധിമുട്ടുന്ന ഒരു സന്ദർഭമുണ്ട്, ഡേറ്റ ട്രാൻസ്ഫർ. അത് എളുപ്പത്തിൽ ചെയ്യാനുള്ള വഴിയാണ് ഇക്കുറി. ഒപ്പം ഇ സിം ട്രെൻഡിനൊപ്പം മാറാനുള്ള വഴിയും.

ഐ ഫോൺ ഡേറ്റ

ഐ ഫോണിലെ വാട്ട്സാപ്പിലെ ചാറ്റുകൾ മെസേജ് ഒന്നും നഷ്ടമാകാതെ പുതിയ ഫോണിലേക്കു മാറ്റാൻ കംപ്യൂട്ടറിലെ ചില സോഫ്റ്റ് വെയറുകളെയാണു മിക്കവരും ആശ്രയിച്ചിരുന്നത്. എന്നാൽ മൊബൈൽ ഫോൺ ഉപയോഗിച്ചു തന്നെ ഇതു ചെയ്യാം. രണ്ടു ഫോണിലും മൊബൈൽ ട്രാൻസ് (Mobile Trans: Data Transfer) എന്ന ആപ്ലിക്കേഷൻ ആപ് സ്റ്റോറിൽ നിന്നും പ്ലേ സ്റ്റോറിൽ നിന്നും ഇൻസ്റ്റാൾ ചെയ്യുകയാണ് ആദ്യം വേണ്ടത്. ഇനി പെർമിഷൻ അലൗ ചെയ്യുക. ഫോൺ ടു ഫോൺ, ഐ ക്ലൗഡ് ടു ആൻഡ്രോയ്ഡ്, ഫയൽ ട്രാൻസ്ഫർ തുടങ്ങിയ സൗകര്യങ്ങൾ ഇതിലുണ്ട്.