ലൊക്കേഷൻ അറിയാം ഡിലീറ്റ് ചെയ്യാം

സ്മാർട് ഫോണിലെ കൂടുതൽ ടെക്നിക്കുകൾ അറിയാനും വിവിധ ആവശ്യങ്ങൾ സ്മാർട്ടായി നിറവേറ്റാനും പഠിക്കാം

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

നമ്മുടെ വാഹനം അല്ലെങ്കിൽ പ്രിയപ്പെട്ടവർ ഒരു ലൊക്കേഷനിൽ എത്തുമ്പോഴും അവിടെ നിന്നു പോ കുമ്പോഴും മൊബൈലിൽ നോട്ടിഫിക്കേഷൻ കിട്ടണമെന്ന് ആഗ്രഹമുണ്ടോ ? അതിനുള്ള ട്രിക് പഠിക്കാം. ഒപ്പം ന്യൂഡ് ഫോട്ടോയും വിഡിയോയും മറ്റൊരാൾ റിക്കവർ ചെയ്തെടുക്കാതെ നശിപ്പിക്കാനുള്ള വഴിയും.

ലൊക്കേഷൻ ലൈവ്

മൊബൈലുമായി പോകുന്ന പ്രിയപ്പെട്ടവർ ലൊക്കേഷനിൽ നിന്നു പോകുമ്പോഴും എത്തുമ്പോഴും നോട്ടിഫിക്കേഷൻ ലഭിക്കുന്ന ട്രിക് ഒളിച്ചിരിക്കുന്നത് ഗൂഗിൾ മാപ് ആപ്ലിക്കേഷനിലാണ്.

ഇതിനായി യാത്ര ചെയ്യുന്നയാളിന്റെ മൊബൈലിൽ ഗൂഗിൾ മാപ് ഓപ്പണാക്കി വലതു വശത്തുള്ള പ്രൊഫൈൽ ഐക്കണിൽ ടച്ച് ചെയ്ത് ലൊക്കേഷൻ ഷെയറിങ് (Location sharing) എന്നത് സെലക്റ്റ്ക് ചെയ്യുക.