அதிகரிக்கும் கட்டண கொள்ளை! அதிகரிக்கும் டோல்கள்..!

மக்களிடம் அதீத கெடுபிடி வரி வசூலில் ஈடுபடுவதுதான் இந்திய ஒன்றிய அரசின் முதல் வேலை என்பது மக்களின் மனதில் ஆழப் பதிவாகிவிட்டது. அதிலும் டோல்கேட் கட்டணம் வசூலில் தனி சாதனையே படைத்து வருகிறது. குறிப்பாக, தமிழ்நாட்டில் சுங்க வசூல் சட்டத்துக்கு புறம்பாகவே செய்யப்படுகிறது எனலாம்.

- பரிதி பாலன்

60 கி.மீ. இடைவெளிக்குள் சுங்கச்சாவடிகள் அமையக் கூடாது என்பது விதி. இருப்பினும், தமிழகத்தில் பல இடங்களில் இந்த விதியை மீறி சுங்கச் சாவடிகள் அமைக்கப்பட்டுள்ளன. விதிகளுக்குப் புறம்பாக 60 கி.மீ. இடைவெளிக்குள் இருக்கும் சுங்கச் சாவடிகள் அகற்றப்படும் என மத்திய அமைச்சர் நிதின் கட்கரி ஏற்கெனவே அறிவித்தும் இதுவரை நடவடிக்கை எடுக்கப்படவில்லை.

இந்த நிலையில் வெந்த புண்ணில் வேலை பாய்ச்சுவது போல், தமிழ்நாட்டில் தேசிய நெடுஞ்சாலைகளில் உள்ள சுங்கச்சாவடிகளின் எண்ணிக்கையை 72ல் இருந்து 90 ஆக உயர்த்த ஒன்றிய அரசு அரசு முடிவு செய்துள்ளது.