பெரிய நடிகர்கள் தப்பு செய்தால்...திட்ட முடியுமா?

எளிமை, அடக்கம் உள்ளொன்று வைத்து புறம் ஒன்று பேசாமை, மொழிப்பற்று இத்தனையும் கொண்டவராக டைரக்டர் 5 மகேந்திரனை குறிப்பிடலாம்.

- 

சினிமா படவிழாவுக்காக பெங்களூர் சென்றிருந்த மகேந்திரன் 'உதிரிப் பூக்கள் 'படத்தை திரையிட சம்மதிக்காததுடன் விழாவிலும் கலந்து கொள்ளாமல் திரும்பி விட்டார்.

காரணம், ஆங்கில விளக்கம் (சப் டைட்டில்) இல்லாமல் படத்தை திரையிடப்போவதாக சொன்னதுடன் அழகிய கண்ணே என்ற பாடல் காட்சியையும் வெட்டி விடுவதாக விழாக்குழுவினர் சொன்னதுதான்! மொழி தெரியாதவர்கள் உதிரிப்பூக்களை ஊமைப்படம் போல பார்ப்பதால் என்ன பயன்? என்பது மகேந்திரனின் வாதம்.

இப்படி புகழுக்காகவோ, பணத்துக்காகவோ வளைந்து கொடுத்து விடாமல் தனக்கென்று வகுத்துக்கொண்ட லட்சியங்களை பிடிவாதமாகப் பின் பற்றும் மகேந்திரனிடம் 'தேவி' நிருபரின் சில கேள்விகள்.

*நீங்கள் புதுமுகங்களை வைத்தே படம் எடுக்கிறீர்கள் பழைய நடிகர்களிடம் திறமை இல்லை என்று கருதுகிறீர்களா?

பராசக்தி' புதுமுகம் நடித்த படம்தானே, நாம் வர வேற்கவில்லையா? பெரிய நடிகர் என்றா அந்த படத்தைப் பார்த்தோம்? யார் நடிச்ச படம்னு இப்போ மக்கள் கவலைப்படலே... விறுவிறுப்பாக இருக்கான்னுதான் பார்க்கிறாங்க!