ചുരുളഴിയാത്ത ചന്തം

ചുരുളൻ മുടിക്കാർക്കായി ഉത്പന്നങ്ങളിറക്കി വിപണിയിൽ വിസ്മയം തീർത്ത കൂട്ടുകാർ ഹിൻഷറയും യൂബയും

- രേഖ നമ്പ്യാർ

ചുരുൾമുടിയഴകിനെ കവികൾ വർണിക്കുന്ന തൊക്കെ അവിടെ നിൽക്കട്ടെ. ചുരുണ്ട മുടിയോട് അത്രയ്ക്ക് സ്നേഹമായിരുന്നെങ്കിൽ പോക്കറ്റ് കാലിയാക്കി സ്‌ട്രെയിറ്റനിങ്ങും സ്മൂത്തനിങ്ങുമൊക്കെ ചെയ്യേണ്ടി വരുമായിരുന്നോ? കെട്ടിവെക്കാൻ നോക്കിയാൽ കുതിച്ചുപായും പടക്കുതിരയെ പിടിച്ചുകെട്ടാനാരുണ്ട്' എന്ന അവസ്ഥ. അരയൊപ്പം നീണ്ട മുടി കുളി നനവുമാറിയാൽ ചുരുണ്ടുകയറി നേർപാതിയാവും.

എണ്ണയിട്ടും താളി തേച്ചും ചുരുണ്ട മുടിയെ മെരുക്കാൻ ശ്രമിച്ചൊരാളാണ് ആലുവയിലുള്ള ഹിൻഷ ഹബീബും. ചുരുണ്ട മുടിയെ സ്റ്റൈലിങ് ചെയ്യാനായി പഠിച്ച  പണി പതിനെട്ടും ഹിൻഷ പയറ്റിനോക്കി. സ്‌ട്രെയിറ്റൻ ചെയ്തും സ്മൂത്തൻ ചെയ്തുമൊക്കെ നിവർത്തിയെടുത്തെങ്കിലും വീണ്ടും മുടി ചുരുണ്ടുതന്നെ കിടന്നു. ഒന്ന് മയപ്പെടുത്താനായി കൈയിൽ കിട്ടുന്ന ഹെയർ കെയർ പ്രൊഡക്ടുകളെല്ലാം ഉപയോഗിച്ചു. പുസ്തകങ്ങളും ബ്ലോഗുമൊക്കെ നോക്കി ചുരുണ്ട മുടിയുടെ സംരക്ഷണത്തെക്കുറിച്ച് ഗവേഷണം തന്നെ നടത്തി. ഒടുവിൽ ചുരുണ്ടമുടിക്കാർക്കുവേണ്ടി പ്രത്യേകം ഹെയർ കെയർ പ്രൊഡക്ടുകൾ നിർമിച്ചുകൊണ്ട് ഹിൻഷ സംരംഭകയായി മാറി.

ഈയിടെ വിഖ്യാത ബിസിനസ് റിയാലിറ്റി ഷോയായ 'ഷാർക്ക് ടാങ്കിന്റെ ഇന്ത്യാ എഡിഷനിൽ 75ലക്ഷം രൂപയുടെ ഫണ്ടിങ് നേടിയതോടെ ഹിൻഷറയുടെ സംരംഭം പുതിയ ഉയർച്ചയിലേക്ക് എത്തിയിരിക്കുകയാണ്. മലയാളിയായ ഹിൻപറയും മുംബൈക്കാരിയായ സുഹൃത്ത് യൂബ റോമിൻ ആഗയും ചേർന്ന് തുടങ്ങിയ സംരംഭമാണ് മെയിന്റെയിൻ' ചുരുളൻ മുടിയുള്ള സ്ത്രീകൾക്കു വേണ്ടിയുള്ള കേശസംരക്ഷണ ഉത്പന്നങ്ങൾ ഓൺലൈനിലൂടെ വിൽക്കുന്ന പ്ലാറ്റ്ഫോമാണ് മെയിന്റെയിൻ' തന്നെ അലട്ടിക്കൊണ്ടിരുന്ന പ്രശ്നത്തിൽ നിന്നും പരിഹാരം കണ്ടെത്തി അതുതന്ന വരുമാനമാർഗമാക്കി മാറ്റിയ ആ വിജയകഥയുടെ ചുരുളഴിക്കുകയാണ് ഹിൻഷാ,

മുടി പറ്റിച്ച പണി

നീണ്ട മുടിയുള്ള കുട്ടികളെ കാണുമ്പോൾ എനിക്ക് നല്ല മുടിയില്ലല്ലോ എന്നാലോചിച്ച് സങ്കടപ്പെട്ടിട്ടുണ്ട്. എത്ര നല്ല വസ്ത്രങ്ങളണിഞ്ഞാലും മുടി ശരിയായില്ലെങ്കിൽ ഉള്ള ആത്മ വിശ്വാസവും കൂടി പോവുന്ന സ്ഥിതി. വിശേഷദിവസങ്ങളിലൊക്കെ മുടി സ്ട്രെയിറ്റൻ ചെയ്യുന്നത് ശീലമാക്കി. സ്ട്രെയിറ്റൻ ചെയ്താലും അരമണിക്കൂറൊക്കെയേ നിൽക്കൂ. അങ്ങനെ മുടി സ്മൂത്തൻ ചെയ്തു.