വൈദ്യശാസ്ത്ര നൊബേൽ

mRNA വാക്സിനുകൾ എന്ന ആശയം

- ഡോ. ടി.എസ്. അനീഷ്

2023-ലെ ഫിസിയോളജി അല്ലെങ്കിൽ മെഡിസിൻ നൊബേൽ സമ്മാനം കാറ്റലിൻ കാരിക്കോയ്ക്കും ഡ്രൂ വെയ്സ്മാനും സംയുക്തമായി നൽകപ്പെടുകയാണല്ലോ. ഇത്തവണത്തെ നൊബേൽ സമ്മാനത്തിന് പ്രത്യേകതകൾ പലതുണ്ട്. വിഖ്യാത ബ്രസീലിയൻ എഴുത്തുകാരൻ പൗലോ കൊയ്ലോ തന്റെ മാസ്റ്റർപീസ് നോവൽ ദി ആൽക്കെമിസ്റ്റിൽ പറയുന്ന പോലെ, ഒരാൾ തന്റെ സ്വപ്നത്തിന് പിറകെ പായുന്നതും അതിൽ വിജയിക്കുന്നതുമായ ഒരു അനുഭവമാണ് കാറ്റലിൻ കാരിക്കോ എന്ന വനിതയുടേത്. അതിനപ്പുറം, ശാസ്ത്രത്തെ സംബന്ധിച്ചിടത്തോളം ഭാവിയിലേക്ക് ഒരു കുതിച്ചുചാട്ടം എന്നു കരുതാവുന്ന ഒരു കണ്ടെത്തൽ  സമ്മാനിതമാവുന്നു എന്ന പ്രത്യേകതയും ഇത്തവണയുണ്ട്. COVID-19 മഹാമാരിക്കെതിരെ ഫലപ്രദമായ mR NA വാക്സിനുകൾ വികസിപ്പിക്കാൻ പ്രാപ്തമാക്കിയ, ന്യൂക്ലിയോ സൈഡ് അടിസ്ഥാന പരിഷ്കരണങ്ങളെക്കുറിച്ചുള്ള കണ്ടെത്തലുകൾക്ക് നൊബേൽ സമ്മാനം നൽകുന്നു എന്നാണ് സമ്മാനനിർണ്ണയ സമിതി പുറത്തിറക്കിയ പത്രക്കുറിപ്പിൽ പറയുന്നത്.

പാൻഡെമിക്കിന് മുമ്പുള്ള വാക്സിനുകൾ

 വാക്സിനേഷൻ ഒരു പ്രത്യേക രോഗകാരിയോടുള്ള നമ്മുടെ രോഗ പ്രതിരോധ സംവിധാനത്തിന്റെ പ്രവർത്തനത്തെ ഉത്തേജിപ്പിക്കുന്നു. ഇത് പിന്നീട് എപ്പോഴെങ്കിലും പ്രസ്തുത രോഗകാരി ശരീരത്തിൽ കടക്കാനിടയായാൽ അതിനുമേൽ നമ്മുടെ ശരീരത്തിന് വലിയ അളവിൽ ഒരു മേൽക്കോയ്മ നൽകുന്നു. ഒരു അണുജീവിക്കെതിരെയുള്ള വാക്സിൻ സ്വീകരിച്ചിട്ടുള്ള വ്യക്തിക്ക്, അണുബാധയുണ്ടായാൽ പ്രസ്തുത രോഗാണുവിനെ നശിപ്പിക്കാൻ കഴി യുന്ന പ്രത്യൗഷധങ്ങളും കോശങ്ങ ളും നിർമ്മിക്കാൻ വളരെ കുറച്ച് സ മയം മതിയാകും, ശത്രുവിനെ നേരി ടാൻ ആയുധധാരികളായ ആളുകളും സംവിധാനങ്ങളും നേരത്തേതന്നെ ഒ രുക്കി കാത്തിരിക്കുന്നതുപോലെയാ ണിത്. നശിപ്പിക്കപ്പെട്ടതോ ദുർബല മായതോ ആയ വൈറസുകളെ അ ടിസ്ഥാനമാക്കിയുള്ള വാക്സിനുകൾ വളരെക്കാലമായി ലഭ്യമാണ്, പോളി യോ, അഞ്ചാംപനി, മഞ്ഞപ്പനി എ ന്നിവയ്ക്കെതിരായ വാക്സിനുകൾ ഉദാഹരണമാണ്. മഞ്ഞപ്പനി വാക് സിൻ വികസിപ്പിച്ചതിന് 1951-ൽ മാക്സ് തീലറിന് വൈദ്യശാസ്ത്രത്തി നുള്ള നൊബേൽ സമ്മാനം ലഭിച്ചിരുന്നു.