അമ്മയുടെ അനുഗ്രഹം

മാതൃസ്നേഹവും പിതൃഭക്തിയും ഒരാളുടെ വിജയ ജീവിതത്തിൽ വളരെയധികം സ്വാധീനം ചെലുത്തുന്ന രണ്ട് ഘടകങ്ങളാണ്.

- 

ഏറ്റവും ശ്രേഷ്ഠമായ കർമ്മമായി പരിഗണിക്കപ്പെടുന്നതാണ് മാതൃപൂജ എന്ന ഗുണം. യഥാർത്ഥ മാതൃപൂജ എന്നാൽ സ്വന്തം അമ്മയോടുള്ള അളവറ്റ സ്നേഹവും ബഹുമാനവും കരുതലുമാണ്.

സാക്ഷാൽ ഈശ്വരോപാസനയ്ക്ക് തുല്യമായ ഒരുസത്കർമ്മം തന്നെയാണത്. കുഞ്ഞുങ്ങളെ സംബന്ധിച്ചിടത്തോളം ആദ്യം അവർ ഈശ്വരനെ കാണുന്നത് സ്വന്തം മാതാവിലൂടെ തന്നെയാണ്. മറ്റൊർത്ഥത്തിൽ ഭൂമിയിലെ പ്രത്യക്ഷ ദൈവമാണ് അമ്മ. അതുകൊണ്ടുതന്നെ അമ്മയെ സ്നേഹിക്കുകയും ബഹുമാനിക്കുകയും വാർദ്ധക്യകാലത്ത് പരിചരിക്കുകയും ചെയ്യുന്നത് ഈശ്വരാ സേവയ്ക്ക് ഈ തുല്യമാകുന്നു.എന്നാൽ കലിയുഗത്തിൽ പല കുടുംബങ്ങളിലും മക്കൾ ഈ സദ്ചിന്ത മാറ്റിവെച്ച് അമ്മമാരെ വല്ലാതെ വേദനിപ്പിക്കുകയും ക്രൂരതകൾ കാട്ടുകയും ചെയ്യുന്നു.