ഉത്രട്ടാതിനാളിൽ അനുഗ്രഹമാരിയായി ഊരുചുറ്റ് മഹോത്സവം

ഉത്രട്ടാതി നാളിൽ സാക്ഷാൽ കുമാരനല്ലൂർ ഭഗവതിയുടെ ശക്തി ചൈതന്യം മീനച്ചിലാറിന്റെ ഓള പരപ്പിൽ ചിങ്ങവെയിൽ പോലെ തിളങ്ങും. ദേശത്തിന്റെ ക്ഷേമം അന്വേഷിച്ച് പരാശക്തിയായ ഭഗവതി അന്ന് ചുരുളൻ വള്ളമേറി കരകളിലേയ്ക്ക് എഴുന്നെള്ളും

- എസ്.പി.ജെ

ഉത്രട്ടാതി നാളിൽ സാക്ഷാൽ കുമാരനല്ലൂർ ഭഗവതിയുടെ ശക്തി ചൈതന്യം മീനച്ചിലാറിന്റെ ഓള പരപ്പിൽ ചിങ്ങവെയിൽ പോലെ തിളങ്ങും. ദേശത്തിന്റെ ക്ഷേമം അന്വേഷിച്ച് പരാശക്തിയായ ഭഗവതി അന്ന് ചുരുളൻ വള്ളമേറി കരകളിലേയ്ക്ക് എഴുന്നെള്ളും. മീനച്ചിലാറിന്റെ ഇരുകരകളിലു മുള്ള ഭക്തർ കാർഷികോൽപ്പന്നങ്ങളും നിലവിളക്കും നിറപറയും നിറഞ്ഞ മനസ്സുമായി ഭഗവതിയുടെ വരവും കാത്തിരിക്കും. പറ വഴിപാട് സ്വീകരിച്ച് ഭഗവതി ഭക്തർക്ക് അനുഗ്രഹം ചൊരി യും. വരും വർഷം ദേശത്തിന് അല്ലലില്ലാതെ കഴിച്ച് കൂട്ടാൻ ഭഗവതിയുടെ കടാക്ഷം വേണം. അതാണ് വിശ്വാസവും അനുഭവവും.