പുണ്യവാഹിനി

ശബരിമലയുടെ പ്രവേശനകവാടമാണ് പമ്പ.

- ദേവദേവൻ

ശബരിമലയുടെ പ്രവേശനകവാടമാണ് പമ്പ. ദക്ഷിണ ഗംഗയായ പമ്പാനദിയിലെ സ്നാനം തീർത്ഥസ്നാനമാണത്. സർവ്വപാപങ്ങളും കഴുകിക്കളഞ്ഞ് തെളിഞ്ഞ മനസ്സോടെയാണ് സാക്ഷാൽ അയ്യപ്പസ്വാമിക്കരികിലെത്തുന്നത്. ശബരിമലയുടെ ചരിത്രവുമായി ബന്ധപ്പെട്ട് ഏറെ പ്രാധാന്യമുള്ള നദിക്കരയാണിത്. മണികണ്ഠനെ പന്തളം രാജാവിന് ലഭിക്കുന്നത് ഇവിടെ വച്ചാണ്. പമ്പാസദ്യയും, വിളക്കും വിശേഷപ്പെട്ടത്. പമ്പയിലെ പിതൃതർപ്പണവും ഏറെ പ്രാധാന്യം.

1968 ൽ തിരുവിതാംകൂർ ദേവസ്വം ബോർഡ് പ്രസിഡന്റ് പ്രാക്കുളം ഭാസിയുടെ നിർദ്ദേശാനുസരണമാണ് ഇന്ന് കാണുന്ന ക്ഷേത്രപരിവേഷം പമ്പാതട ത്തിൽ വരുന്നത്. പരശുരാമ മഹർഷിയുടെ തന്ത്രിവര്യൻ താഴ്മൺ മഠമാണ് പമ്പാതീരത്ത് ആൽത്തറയിൽ സർവ്വ വിഘ്നനിവാരണ മൂർത്തിക്ക് സ്ഥാനം കൽപ്പിച്ച് മലകയറുന്ന തീർത്ഥാടകർക്ക് നാളി കേരമുടച്ച് തുടക്കം കുറിക്കുവാൻ നിർദ്ദേശിക്കുന്നത്. സർവ്വ കർമ്മങ്ങളുടേയും ആദ്യാവസാനമൂർത്തിയായ വിനായകന് ശബരിമല യാത്രയിലും പ്രാധാന്യം ലഭിച്ചു. പമ്പാതടത്തിൽ മുങ്ങിനിവർന്ന് ഗണപതി മൂർത്തിയെ ദർശിച്ച്, നാളീകേരമുടച്ച് ഏത്തമിട്ടാൽ പിന്നെ മലകയറാൻ ധൈര്യമായി.