வட்டி வீதங்கள் மீண்டும் அதிகரிக்குமா?

இலங்கை பொருளாதார ரீதியாக தற்போது படிப்படியாக மீண்டு வருகின்ற சூழலில் மீண்டும் வட்டி வீதங்கள் அதிகரித்து, மக்கள் கடன் பெறுவதில் சிக்கல் ஏற்படுமா என்ற கேள்விகள் பொருளாதார நிபுணர்களிடையே எழுப்பப்படுகின்றன.

- ரொபட் அன்டனி

இது தொடர்பாக கருத்து வெளியிட்டுள்ள பொருளாதார நிபுணர் ஜயந்த கோவில்கொடகே, வட்டி வீதங்கள் அடுத்த வருட ஆரம்பத்தில் அதிகரிக்கும் சாத்தியம் இருப்பதாக சுட்டிக் காட்டி இருக்கிறார்.

இதற்கு பல்வேறு தொழில்நுட்ப ரீதியான மற்றும் பொருளாதார ரீதியான காரணங்கள் இருப்பதாகவும் அவர் சுட்டிக் காட்டுகிறார். தற்போது ரூபாவின் பெறுமதி ஒரு குறிப்பிடத்தக்க அளவில் வீழ்ச்சியடைந்து வருகிறது. இந்த வருட இறுதியில் ஒரு டொலருக்கு நிகரான ரூபா 295ஆக காணப்பட்டது, தற்போது 300 ரூபாவைத் தாண்டி இருக்கிறது. அதாவது 3.3 சதவீதத்தினால் ரூபாவின் பெறுமதி வீழ்ச்சியடைந்துள்ளது. டொலரின் பெறுமதி அதிகரித்து இருக்கிறது.

அப்படியானால் இறக்குமதி செலவுகள் பொதுவாகவே அதிகரித்திருக்கும். ஏற்றுமதி வருமானம் அதிகமாகக் காணப்படும். எனவே ரூபாவின் பெறுமதி 3.3 சதவீதத்தினால் குறைந்திருப்பதால், பணவீக்கம் அதிகரிக்கும் சாத்தியத்தைக் கொண்டிருக்கிறது. காரணம் ரூபாவின் பெறுமதி குறையும்போது இறக்குமதி செலவு அதிகரிக்கும். இறக்குமதி செலவு அதிகரிக்கும் போது இறக்குமதி பொருட்களின் விலைகள் அதிகரிக்கும்.

அப்போது பொருட்களின் விலைகள் பொதுவாகவே அதிகரிக்கும். அது பணவீக்கத்தை ஏற்படுத்தும். பணவீக்கம் அதிகரிக்கும்போது மத்திய வங்கி பணவீக்கத்தைக் கட்டுப்படுத்துவதற்காக வட்டி வீதங்களை அதிகரிக்கும் சாத்தியம் இருக்கிறது.

தற்போது நாட்டின் வட்டி வீதமானது 7.75 சதவீதமாகக் காணப்படுகிறது. 2022ஆம் ஆண்டு பொருளாதார நெருக் கடி நாட்டில் காணப்பட்டபோது வட்டி வீ தங்கள் பாரியளவில் அதிகரிக்கப்பட்டன.

கடன்களுக்கான வட்டி வீதம் 16.5 சதவீத மாகவும் வைப்புக்களுக்கான வட்டி வீதம் 15.5 சதவீதமாகவும் காணப்பட்டது. அதா வது மத்திய வங்கி அவ்வாறான ஓர் அடிப் படை நிர்ணயத்தை தீர்மானித்திருந்தது.

அந்த அடிப்படை நிர்ணயத்தில் இருந்தே வர்த்தக வங்கிகள் கடன்களுக்கான வட் டியை நிர்ணயித்தன.

அந்த நேரத்தில் கடன்களுக்கான வட்டி வீதம் பாரியளவில் உயர்ந்தது. அதே போன்று, பொதுமக்கள் வங்கிகளில் செய்கின்ற வைப்புகளுக்கான வட்டியும் அதிகரித்திருந்தது. இந்த நிலையில் படிப் படியாக வட்டி வீதங்கள் குறைக்கப்பட்டு, கடன்களுக்கும் வைப்புகளுக்குமான ஒரே வட்டி வீதம் தற்போது நாட்டில் அமுல்படுத்தப்படுகிறது.