రాష్ట్రంలో 3 కొత్త వ్యవసాయ కాలేజీలు

ఈ యేడాదినుంచే తరగతులు ఆరంభం కొడంగల్, హుజూర్ నగర్, డిచ్పల్లిలో ఏర్పాటు

- 

హైదరాబాద్, అక్టోబరు 24, ప్రభాతవార్త : తెలంగాణ రాష్ట్రంలో వ్యవసాయ విద్యారంగాన్ని బలోపేతం చేసే దిశగా ప్రభుత్వం దృష్టిసారించింది. ఇందులో భాగంగా ప్రస్తుత విద్యా సంవత్సరం నుండి కొత్తగా మూడు వ్యవసాయ కళాశాలలను ప్రారంభించేందుకు సన్నాహాలు చేస్తోంది. ఈ మేరకు రాష్ట్ర వ్యవసాయ శాఖ సమర్పించిన ప్రతిపాదనలకు ముఖ్యమంత్రి రేవంత్రెడ్డి ఆమోదం తెలిపారు.వ్యవసాయా ధారిత తెలంగాణ రాష్ట్రానికి ఇది ఒక ముందడుగు. పెరుగుతున్న వరి దిగుబడితో దేశంలోనే అగ్రస్థానంలో ఉన్న నేపథ్యంలో ఈ నూతన కళాశాలలు భవిష్యత్ వ్యవసాయ నిపుణులను తీర్చిదిద్ది, ఆహార భద్రత, గ్రామీణాభివృద్ధికి దోహదపడతాయని ప్రభుత్వం ఆశాభావం వ్యక్తం చేస్తోంది.