மின்சார சபையால் முன்மொழியப்பட்ட 18.3 வீத மின் கட்டண அதிகரிப்பை அங்கீகரிக்குமாறு பொதுப் பயன்பாடுகள் ஆணைக்குழுவுக்கு அழுத்தம்

சர்வதேச நாணய நிதியத்தின் உடன்படிக்கைக்கு அமைவாக, மின்சார சபையால் முன்மொழியப்பட்ட 18.3 வீத மின்சார கட்டண அதிகரிப்பை அங்கீகரிக்க பொதுப் பயன்பாடுகள் ஆணைக்குழுவுக்கு அழுத்தம் கொடுக்கப்பட்டுள்ளதாகத் தெரிவிக்கப்படுகிறது.

- க. பிரசன்னா

மின் கட்டண உயர்வு தொடர்பான வழிமுறைகளுடன் நிதி அமைச்சு, இலங்கை மின்சார சபைக்கு கடிதம் அனுப்பியுள்ளதாகவும், அந்தக் கடிதத்தை இலங்கை மின்சார சபை, பொதுப் பயன்பாடுகள் ஆணைக்குழுவுக்கு அனுப்பியுள்ளதாகவும் கூறப்படுகிறது.

சர்வதேச நாணய நிதியத்தால் மின்சாரக் கட்டணங்களை அதிகரிக்குமாறு அறிவித்ததைத் தொடர்ந்து, மின்சாரக் கட்டணங்களை அதிகரிக்குமாறு பொதுப் பயன்பாடுகள் ஆணைக்குழுவுக்கு பல தரப்பினர் அழுத்தம் கொடுத்துள்ளதாகவும் கூறப்படுகிறது.