தேசிய தினத்தை கொண்டாடிய சுல்தான் பள்ளிவாசல், தமிழ் முஸ்லிம் ஜமாஅத்

தமிழ் முஸ்லிம் ஜமாதும் சுல்தான் பள்ளிவாசலும் இணைந்து சிங்கப்பூரின் 60வது தேசிய தின விழாவை சுல்தான் பள்ளிவாசல் அரங்கில், ஆகஸ்ட் 31, 2025 அன்று சிறப்பாகக் கொண்டாடின.

- கி. ஜனார்த்தனன்

சுமார் 400 பேர் கலந்துகொண்ட அந்த நிகழ்வில், மாணவர்களுக்குக் கல்வி உதவித்தொகை, தேவைப்படுபவர்களுக்கு நிதியுதவி வழங்குவதன் மூலம் வெற்றிகரமாக நிறைவடைந்தது.

நான்காவது ஆண்டாக நடத்தப்பட்ட இந்த விழாவில், சுல்தான் பள்ளிவாசலின் இருநூறாவது ஆண்டு நிறைவு, தமிழ் முஸ்லிம் ஜமாஅத்தின் 75வது ஆண்டு ஆகிய முக்கிய நிகழ்வுகள் இணைந்திருப்பது குறிப்பிடத்தக்கது.

கடந்த நான்கு ஆண்டுகளில் 25 குடும்பங்களுக்கு உதவிய அந்த அமைப்பு, இந்த ஆண்டு விண்ணப்பித்த 216 மாணவர்களுக்கும் உதவி வழங்கியுள்ளது. மொத்தம் $54,000 கல்வி உதவித்தொகையாக விநியோகிக்கப்பட்டது.